Búgingi jalpy otyrysta depýtattar Qazaqstan men О́zbekstan kedendik shekarasy arqyly energetıkalyq resýrstardy ótkizý kezinde birlesken kedendik baqylaý týraly kelisimdi ratıfıkasııalady, dep habarlaıdy Egemen.kz Májilistiń baspasóz qyzmetine silteme jasap.
«Kelisim normalaryn iske asyrý Qazaqstan-О́zbekstan kedendik shekarasynan qubyrlar men elektr jelileri arqyly tasymaldanatyn energııa resýrstaryn baqylaýdyń tıimdiligin arttyrady», dedi depýtat Irına Smırnova qosymsha baıandamasynda.
Premer-mınıstrdiń orynbasary – Qarjy mınıstri Erulan Jamaýbaevtyń aıtýynsha, endi elder tájirıbemen jáne keden zańnamasyn buzýdyń anyqtalǵan faktileri týraly aqparatpen almasa alady.
Hattamada taraptardyń keden organdary balansynda turǵan esepke alý toraptary kórsetkishterin aı saıyn alýdy, sondaı-aq esepke alý aspaptaryna salynǵan kedendik sáıkestendirý quraldarynyń tutastyǵyn, sáıkestendirý quraldaryn joıý men salýdy tekserý kózdelgen.
Májilis komıtetteri birqatar jańa zań jobasyn jumysqa qabyldady. Olardyń qatarynda Salyq kodeksi men Salyq kodeksin qoldanysqa engizý týraly zańǵa, Ákimshilik quqyq buzýshylyq týraly kodekske túzetýler, jolaýshylardy avtomobılmen tasymaldaý salasyndaǵy keıbir memlekettik fýnksııalardy ózin-ózi retteýge berýge qatysty ózgerister, sondaı-aq birqatar halyqaralyq qujattar bar. Sondaı-aq depýtattar jaýapty memlekettik organdarǵa áleýmettik-ekonomıkalyq máseleler boıynsha depýtattyq saýaldaryn joldady.