Rýhanı-tanymdyq radıo ashyldy

Atyraý oblystyq din is­teri basqar­masynyń mem­le­kettik tapsyrysy aıa­syn­da ashylǵan radıo QMDB Atyraý oblystyq ókildi­gi­men birlese jumys isteı­di. Ashy­lý saltanatyna Qazaqstan musylmandary dinı basqarmasy tóraǵasynyń orynbasary, naıb múftı San­syzbaı Qurbanuly, Bas múftıdiń keńesshisi Kenjetaı Baı­kemeluly jáne Sa­raptama bóliminiń meńgerýshisi Nur­lan Evfrat­uly, zııaly qaýym ókil­deri men jýrnalıster qa­tysty.

Is-sharany ashqan naıb múftı Sansyzbaı Qur­ban­uly asyl dini­mizdiń qun­dy­lyqtaryn nasıhattap, qo­ǵamǵa paıdaly aqparat­tarmen nasıhattaýda radıo­nyń orny zor ekenin atap ótti. «Adamǵa nasıhat eń birinshi qu­laqpen estý arqyly je­tedi. Sol sebepti jańa isterińiz be­re­keli bolsyn», dep batasyn berdi.

Atyraý oblysy din isteri basqar­masynyń bas mamany Qaharman Rahmetuly din salasyndaǵy ózekti máse­le­lerdi ımamdarymyzben bir­lese otyryp sheshý maq­sa­tynda jańa jobalar jal­ǵasa­tynyn aıtty. Al naıb múftı Sansyzbaı Qurbanuly alǵash­qy qonaq retinde radıoǵa suhbat berdi.

Aıta keteıik, «Azan» – elimizde ashylyp otyrǵan rýhanı baǵyttaǵy ekinshi ınternet-radıo. Buǵan deıin Qa­zaq­stan musylmandary dinı basqarmasy janynan «Munara» radıosy ashylyp, ju­mys istep jatyr.