Qalalyq PD ákimshilik polısııa basqarmasynyń kelisimi boıynsha jol qozǵalysy qaýipsizdigin qamtamasyz etý maqsatynda Astana-Qaraǵandy tas jolynda, sondaı-aq Qoshqarbaev pen Táýelsizdik dańǵyldarynyń qıylysynda jol tósemine jóndeý júrgizilip jatyr, dep habarlaıdy Egemen.kz elorda ákimdiginiń baspasóz qyzmetine silteme jasap.
Jóndeý jumysyna baılanysty osy jyldyń 28 qyrkúıeginen 3 qazanyna deıin Qobda alleıasynan Armandastar kóshesine deıingi Astana-Qaraǵandy tas jolynyń ýchaskesinde kólik qozǵalysy ishinara jabylady.
Sonymen qatar joldyń ortasha jóndelýine baılanysty 30 qyrkúıekten 1 qazanǵa deıin R.Qoshqarbaev - Táýelsizdik dańǵyldarynyń qıylysynda kólik qozǵalysy ishinara jabylady.
«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet», delingen ákimdik habarlamasynda.