Facebook áleýmettik jelisinde jalǵan aqparat tarap júr. Bul joly alaıaqtar Qazaqstan Prezıdenti Qasym-Jomart Toqaevtyń beınesin paıdalanyp, memleket qoldaý kórsetip otyrǵan jańa ınvestısııalyq platforma iske qosylǵanyn málimdedi, dep jazady Egemen.kz.
Jalǵan beınerolıktiń mazmunyna qaraǵanda, ondaǵan azamat birneshe aıdyń ishinde avtokólik pen turǵyn úı satyp alǵan. Stopfake.kz bul aqparatty joqqa shyǵardy.
Shyn máninde alaıaqtar Memleket basshysynyń sóılegen sózin jalǵan daýyspen dybystaǵan. Qazaqstanda jańa baǵdarlamanyń iske qosylǵany týraly resmı derek te joq.
Alaıaqtar qoldanýshylarǵa belgisiz saıtqa kirip, ótinimdi toltyrýdy usynady. Biraq saıtqa ótseńiz, alaıaqtar jeke derekterińizge qol jetkizip, qarjylyq qylmys jasaýy yqtımal.