«ADAM BOL» qazaqstandyq-afrıkalyq fılminiń aldyn ala kórsetilimi barysynda túsirilim toby «Taza Qazaqstan. Astana – tazalyq pen tártiptiń úlgisi» ekologııalyq aksııasyn qoldap, astanalyqtarǵa kóshet syılady, dep habarlaıdy Egemen.kz elorda ákimdiginiń resmı saıtyna silteme jasap.
Kınogerler ıgi isten shette qalmaı, elordany kógaldandyrý men tazalyqty saqtaý jolynda óz úlesterin qosýǵa nıet bildirdi. Olar ózderiniń kınotýyndylary óner salasynda aıshyqty iz qaldyryp, jastarǵa úlgi bolǵanyn qalaıtynyn atap ótti.
«Fılmniń ataýy «Adam bol» dep tur. Ideıasy da osy - jastarǵa úlgi kórsetkimiz keledi. Biz qalaǵa shaǵyn syılyq berýdi sheshtik. Juldyzdar alleıasynda bizdiń kóshetterimiz de bolýy úshin biz elordamyzǵa kóshetter syılaımyz. Osylaısha, astanany damytý men kógaldandyrýǵa óz úlesimizdi qosqymyz keldi. Astana ákimdigi bul usynysty qoldady», dep atap ótti kınokartına jasaýshylar.
Olar elorda turǵyndaryn ekologııalyq aksııaǵa qosylýǵa jáne qoldaýǵa shaqyrdy.