NATO-nyń Brıýsseldegi shtab-páteri janyndaǵy Qazaqstan Respýblıkasy Qorǵanys mınıstrliginiń áskerı ókildiginde 13-17 qańtar aralyǵynda «VERITY» baǵdarlamasy boıynsha semınar bolyp ótti.
«VERITY» baǵdarlamasy Eýropadaǵy qalypty qarýly kúshter týraly shartqa qatysýshy memleketter arasynda qarýly kúshter týraly aqparat almasýǵa arnalǵan. Al semınardyń maqsaty jyl saıyn óndiretin «VERITY» baǵdarlamasynyń málimetter bazasyn jańartý bolyp tabylady.
Semınardyń jumysyna Sharttyń erejelerin iske asyrýmen, aqparat almasýdy daıarlaýmen, eskertpe hattardy jóneltýmen jáne qabyldaýmen, sondaı-aq, olardy taldaýmen aınalysatyn Eýropadaǵy qalypty qarýly kúshter týraly shartqa qatysýshy memleketter Verıfıkasııalyq ortalyqtarynyń ofıserleri turaqty túrde qatysady. Qazaqstan bul Shartqa 1992 jyly qosylǵan.
«Egemen-aqparat».