Astanada ótken retro-festıval kezinde «Barys Arena» sport kesheninde 12 myń adam Qazaqstan Respýblıkasynyń Memlekettik Ánuranyn birge oryndady, dep habarlaıdy Egemen.kz elorda ákimdiginiń baspasóz qyzmetine silteme jasap.
Ákimdiktiń málimetinshe, bul áserli oqıǵa el birligi men patrıotızmniń sımvolyna aınalyp, ártúrli jastaǵy kórermenderdi biriktirdi.
«Bul jarqyn ári shabyttandyratyn sát qatysýshylardyń júreginde uzaq ýaqyt este qalady. Elimizge degen maqtanysh pen ortaq qýanysh is-sharaǵa erekshe kóńil-kúı syılady», delingen habarlamada.
Sonymen qatar elordada Táýelsizdik kúni qurmetine oraı qalanyń ortalyq kóshelerindegi LED-ekrandarda, «QTJ» ǵımaratynyń, EKSPO kesheniniń medıafasadtarynda jáne «Sholý dóńgeleginde» Qazaqstan Respýblıkasynyń memlekettik týy beınelendi.