Qazaqstanda jańa ıpotekalyq baǵdarlamalar paıda bolady. Bul týraly Premer-mınıstr Oljas Bektenov búgingi Úkimet otyrysy barysynda aıtty, dep habarlaıdy Egemen.kz.
«О́nerkásip, Energetıka, Kólik, Aýyl sharýashylyǵy, Sý resýrstary mınıstrlikterine kásiporyndarmen, ákimdiktermen jáne «Otbasy bankimen» birlese otyryp, jumysshylarǵa ıpotekalyq jáne jalǵa beriletin turǵyn úı boıynsha jeńildikti baǵdarlamalardy iske qosýdy tapsyramyn», dedi Úkimet basshysy.
Oljas Bektenov Qazaqstanǵa myńdaǵan bilikti jumysshy qajet ekenin aıtty.
«Jyl saıyn jańa mamandyqtar paıda bolady. Sondyqtan bolashaq daǵdylar men quzyretterdi boljaý úshin ákimdikter mamandyqtardyń óńirlik atlastaryn qalyptastyrýy qajet. Ázirge osyndaı qujattar tek 9 óńirde ǵana bar. Jastardyń jumys kásipterin sanaly túrde tańdaýy úshin kásiptik baǵdar berý jumysynda jańa tásilderdi iske asyrý qajet», dedi Premer-mınıstr.