2025 jyldyń 22 aqpanynan bastap Qazaqstandaǵy taǵy bir jol aqyly jolǵa aınalady, dep habarlaıdy Egemen.kz.
QR Kólik mınıstriniń mindetin atqarýshy «Aqtóbe – Reseı Federasııasynyń shekarasy (Orynborǵa) respýblıkalyq mańyzy bar jalpyǵa ortaq paıdalanylatyn avtomobıl jolynyń ýchaskesin aqyly negizde paıdalaný týraly» buıryqqa qol qoıdy.
Respýblıkalyq mańyzy bar II sanattaǵy jalpyǵa ortaq paıdalanylatyn avtomobıl jolynyń Aqtóbe – Mártók – Reseı Federasııasynyń shekarasy (Orynborǵa deıin) ýchaskesi aqyly jolǵa aınaldy.
Aqyly joldyń uzyndyǵy 82 shaqyrym 692 metr, jolaq eni 3,75 metrden kem emes.
Jol júrý quny kelesideı bolmaq:
16 oryndyq avtobýstar men júk kóterimdiligi 2,5 tonnaǵa deıingi júk kólikteri úshin aldyn ala tólem 515 teńge, keıingi tólem 600 teńge;
32 oryndyq avtobýstar men júk kóterimdiligi 5,5 tonnaǵa deıingi júk kólikteri úshin aldyn ala tólem 1 220 teńge, keıingi tólem 1 038 teńge;
32-den astam oryndyq avtobýstar men júk kóterimdiligi 10 tonnaǵa deıingi avtopoezd úshin aldyn ala tólem 1820 teńge, keıingi tólem 1544 teńge;
Júk kóterimdiligi 10 tonnadan 15 tonnaǵa deıingi júk kólikteri úshin aldyn ala tólem 2 440 teńge, keıingi tólem 2 078 teńge;
Júk kóterimdiligi 15 tonnadan asatyn júk kólikteri úshin aldyn ala tólem 3 040 teńge jáne keıingi tólem 2 583 teńgeni quraıdy.
Aıta keteıik, jeńil kólikter úshin jol quny tegin bolady.