Biryńǵaı jınaqtaýshy zeınetaqy qory (BJZQ) Qazaqstandaǵy eń joǵary aı saıynǵy zeınetaqy tólemi 993 040 teńge ekenin habarlady, dep jazady Egemen.kz.
Qańtarda bul kórsetkish 945 752 teńge bolǵan. Al zeınet jasyna jetken azamattarǵa BJZQ-dan tólenetin ortasha aılyq tólem 35 523 teńge (qańtarda 33 906 teńge).
BJZQ málimetinshe, 2025 jylǵy 1 aqpandaǵy jaǵdaı boıynsha, Qazaqstanda 17,24 mıllıon zeınetaqy shoty bar.
«Qazirgi ýaqytta qazaqstandyqtardyń zeınetaqy aktıvteri 22,64 trıllıon teńgege jetti. Sońǵy 12 aıda zeınetaqy aktıvteri 4,52 trıllıon teńgege (nemese 25 paıyzǵa) ósti», delingen habarlamada.