QR Premer-mınıstri Oljas Bektenov Eýropalyq Odaq О́kildiginiń Ýaqytsha senimdi ókili Iohannes Baýrmen birge EO-ǵa múshe memleketterdiń dıplomatııalyq mıssııalary basshylarynyń, sondaı-aq birqatar jetekshi eýropalyq ónerkásip kompanııalary basshylarynyń qatysýymen «Qazaqstan – Eýroodaq» dıalogtik platformasynyń 16-shy otyrysyn ótkizdi, dep habarlaıdy Egemen.kz.
Aıta keteıik, Eýropalyq Odaq Qazaqstannyń halyqaralyq arenadaǵy mańyzdy seriktesi. 2005–2024 jyldar aralyǵynda Odaq elderinen Qazaqstanǵa tikeleı ınvestısııalardyń jalpy aǵyny $200 mlrd-tan asqan, bul elimizge kelgen tikeleı sheteldik ınvestısııalardyń jalpy kóleminiń 47,8%-yn quraǵan.
«Búginde Eýropalyq Odaq – Qazaqstannyń iri saýda jáne ınvestısııalyq seriktesi. Bul elimizdiń syrtqy saýdasynyń úshten birinen astamyn jáne tartylǵan ınvestısııanyń jartysyn quraıdy. О́tken jyly elderimiz arasyndaǵy ózara taýar aınalymy 17%-ǵa ósip, $50 mlrd-qa jetti. Biz Eýropaǵa jetkiziletin taýar nomenklatýrasyn odan ári keńeıtýge jáne ártaraptandyrýǵa múddelimiz», dedi Oljas Bektenov.
Vedomstvonyń habarlaýynsha, Memleket basshysy Qasym-Jomart Toqaevtyń tapsyrmalaryn júzege asyrý sheńberinde saýda-ekonomıkalyq yntymaqtastyqty arttyrý maqsatynda jeke ınvestısııalar aǵyny úshin barynsha qolaıly iskerlik ahýal qalyptastyrý boıynsha júıeli jumystar júrgizilip jatyr.
Jańa ınvestısııalyq sıkldy bastaýǵa jáne elimizdiń JIО́-ni eki esege arttyrý jónindegi strategııalyq mindetti qol jetkizýge baǵyttalǵan 2029 jylǵa deıingi jańartylǵan ınvestısııalyq saıasat tujyrymdamasy iske asyrylyp jatyr.
Úkimet normatıvtik rásimderdi bıýrokratııadan aryltý jáne ońtaılandyrý úshin memlekettik basqarýǵa sıfrlyq sheshimder engizdi. Ulttyq sıfrlyq ınvestısııalyq platformasy, sondaı-aq lısenzııalaý prosesteriniń ashyqtyǵyn qamtamasyz etetin minerals.gov.kz jáne e-qazyna.kz portaldary iske qosyldy. Shıkizat óńdeýdi jáne qosylǵan quny joǵary daıyn ónim shyǵarýdy basym túrde damytý úshin zańnamalyq baza jetildirilý ústinde. Qabyldanǵan sharalar bızneske kedergilerdi joıýǵa, ekonomıkany yryqtandyrýǵa baǵyttalǵan.
«Qazaqstanmen birge biz sıfrlandyrýdy qoldaý jáne geoderekterdi basqarý sııaqty naqty is-qımyldarǵa erekshe nazar aýdara otyryp, 2025–2026 jyldarǵa arnalǵan strategııalyq áriptestiktiń jol kartasyn ázirlep jatyrmyz», dedi Iohannes Baýr.
Sóz alǵan Germanııa elshisi Monıka Iversen, Fransııa elshisi Sılvan Gıoge, Polshanyń Ýaqytsha senimdi ókili Mıhal Rafal Labenda saýda, ǵylym jáne ónerkásip kooperasııasy salalaryndaǵy ózara is-qımyldy nyǵaıtý týraly usynystar jasady.
Taý-ken ónerkásibi salasyndaǵy birqatar bastama týraly, áýe geofızıkasy jáne kartografııalyq geofızıka salasyndaǵy álemdik kóshbasshy, ıspandyq Xcalibur Multiphysics kompanııasynyń bas dırektory Andres Blanko; jabdyqtyń iri jetkizýshisi fındik Metso kompanııasynyń Ortalyq Azııa aımaǵy boıynsha vıse-prezıdenti Kamıl Alıaýtdınov; taý-ken ónerkásibi, ınfraqurylym jáne tabıǵı resýrstardy óndirýge arnalǵan jabdyqtar men sheshimderdiń álemdik jetekshi óndirýshisi Epiroc shved kompanııasynyń Ortalyq Azııa boıynsha óńirlik bas menedjeri Kamshat Galıeva.
Kóterilgen máselelerge QR ónerkásip jáne qurylys, Ekologııa jáne tabıǵı resýrstar, Ǵylym jáne joǵary bilim mınıstrlikteriniń basshylyǵy túsinikteme berdi.
Sonymen qatar Premer-mınıstr Oljas Bektenov dıplomatııalyq mıssııalar basshylaryna qazaqstandyq kásipkerler aldynda turǵan otandyq bıznestiń iskerlik belsendiligine tikeleı áser etetin túıtkildi máselelerdi jetkizdi. Atap aıtqanda, vızalyq rásimder taqyryby kóterildi.
«Jaqynda otandyq kásipkerlermen kezdesýimde, ásirese, Lıtva, Germanııa jáne Polsha sııaqty elderde shengen vızalaryn alýdaǵy qıyndyqtar týraly másele kóterildi. Qazaqstandyq júk tasymaldaýshylar vıza ortalyqtaryndaǵy bos oryndardyń shekteýli sanymen, uzaq kútý merzimderi – eki aıǵa deıin, sondaı-aq qysqamerzimdi vızalardy berý – úsh aıǵa deıin, bul olardyń qyzmetin aıtarlyqtaı qıyndatýda. Qosymsha kedergiler halyqaralyq tasymaldaýǵa ruqsat qujattarynyń túpnusqalaryn talap etedi. Bul shekteýler qazaqstandyq kompanııalar úshin qosymsha kedergiler týyndatady jáne EO-men ekijaqty ekonomıkalyq qarym-qatynastardyń damýyna áser etedi», dep Oljas Bektenov qazaqstandyq bıznesmender men júk tasymaldaýshylar úshin rásimderdi jeńildetý boıynsha syndarly dıalogqa senim bildirdi.
Otyrys qorytyndysy boıynsha taraptar ózara tıimdi áriptestikti odan ári damytýǵa, ekonomıkalyq baılanystardy nyǵaıtýǵa jáne bolashaǵy zor jańa bastamalar boıynsha birlese jumys isteýge daıyn ekenderin rastady.