Danııada shaıbaly hokkeıden álem chempıonaty ótip jatyr. Jahan birinshiliginiń kezekti synynda el quramasy AQSh sportshylarynan jeńildi, dep jazady Egemen.kz.
Oıynnyń alǵashqy kezeńinde esep ashylmaǵanmen, ekinshi kezeńde qarsylas quramasy bes birdeı jaýapsyz shaıba soqty.
Úshinshi kezeńde Zak Verenskı esepti 0:6-ǵa jetkizdi. Vladımır Volkov az quramda alǵa shyǵyp, Qazaqstan quramasy soqqan jalǵyz goldyń avtory atandy. – 1:6.
Qazaqstan – AQSh 1:6 (0:0, 0:5, 1:1) oıynynda qaqpadan sańylaý tapqan sportshylar:
0:1 – 26:58 – Nazar (Lakomb, Eıssımont)
0:2 – 31:46 – Lakomb (Nazar, Makkaron)
0:3 – 34:00 – Tompson (Býııým, Pınto)
0:4 – 34:58 – Benırs (O’Konnor)
0:5 – 39:04 – Kesselrıng (Nazar, Eıssımont)
0:6 – 45:54 – Verenskı (Kesselrıng, Kelle)
1:6 – 59:10 – Volkov (Qazaqstan)
Federasııanyń baspasóz qyzmetiniń dereginshe, qazir Qazaqstan týrnırlik kestede sońǵy oryndarda. Sondyqtan Oleg Bolıakınniń shákirtteri elıtalyq dıvızıonnan shyǵyp qalýy múmkin. Bul Vengrııa – Norvegııa jáne Shveısarııa – Qazaqstan (bizdiń qurama úshin sońǵy match) oıyndarynyń nátıjesinde aıqyndalady.