Atyraý oblysynda balalarymen joǵalyp ketken erli-zaıyptynyń múrdesi úıiniń aýlasyndaǵy saraıdan tabylǵan edi. Marqumdardyń múrdesinen pyshaq izi anyqtalyp otyr, dep jazady Egemen.kz.
Oblystyq polısııa departamentiniń baspasóz qyzmetinen málim etkendeı, erli-zaıyptyny ólimine baılanysty ár túrli aqparat taralyp jatyr. Sonyń biri – marqumdardy tunshyqtyp óltirdi degen derek.
Atyraýda joǵalǵan otbasy: Kúıeý balasy men qyzyna halyqaralyq izdeý jarııalandy
«Erli-zaıyptynyń múrdesinde pyshaq izi bar. Pyshaqty tyǵý arqyly jaraqat salǵan. Polısııa qyzmetkerleri marqumdardyń múrdesin sot-medısınalyq saraptamadan ótkizdi. Saraptama qorytyndysynan keıin marqumdardyń ólimine ne sebep bolǵany jóninde naqty málimet beriledi», dep málimdedi departamenttiń baspasóz qyzmeti.
Al sot-medısınalyq saraptamanyń qorytyndysy qashan daıyn bolatyny belgisiz.
Buǵan deıin Atyraýda joǵalǵan otbasynyń kúıeý balasy men qyzyna halyqaralyq izdeý jarııalanǵanyn habarlaǵan bolatynbyz.