Týrızm jáne sport mınıstrligi Mılan jáne Kortınadaǵy qysqy Olımpıadanyń búgingi jarys kúninde el namysyn qorǵaıtyn atletterimizdiń jarys kestesin jarııalady, dep jazady Egemen.kz.
Búgin júldege talasatyn sportshylarymyz:
13:45-te shańǵy jarysynyń komandalyq sprınt túrinde áıelder arasyndaǵy saıys ótedi. Bul synda Qazaqstan sapynan Nadejda Stepashkına, Darıa Rıajko óner kórsetedi.
14:00-de taý shańǵysynyń slalom túri boıynsha Aleksandra Skorohodova jarys jolyna shyǵady.
14.00-de frıstaıl-akrobatıkadan áıelder arasyndaǵy irikteý de ótedi. Atalǵan básekede el namysyn Aıana Joldas qorǵaıdy.
Shańǵy jarysynyń erler arasyndaǵy komandalyq sprınt saıysynda Ámirǵalı Muratbekov pen Naıl Bashmakov kúsh synaıdy. Jarys 14:15-te bastalady.
00:15-te short-trekten 500 metr qashyqtyqta erler arasyndaǵy shırek fınal syny uıymdastyrylady. Shırek fınalda irikteýden óz tobynda birinshi bolyp máre syzyǵyn kesken Abzal Ájiǵalıv pen ýaqyt kórsetkishi boıynsha jarysty jalǵastyrýǵa múmkindik alǵan Denıs Nıkısha júldege talasady.
Atalǵan básekelerdi Qazaqstan, Qazsport, Khabar jáne Jibek joly arnalary tikeleı efırde usynady.
Aıta keteıik, keshe Sofıa Samodelkına qysqa baǵdarlamada óner kórsetip, 68,47 upaımen jeke rekordyn jańartty.
Al qysqy Olımpıadada Qazaqstan qorjynynda 1 altyn medal bar. Tarıhı jeńisti mánerlep syrǵanaýshy Mıhaıl Shaıdorov syılady.