Qyzylorda oblysynda birneshe kún boıy izdestirilgen 6 jasar qyzdyń máıiti tabyldy, dep habarlaıdy Egemen.kz.
Búldirshinniń denesi «Aıtek» sý torabynyń tómengi aǵysynan shamamen 30 shaqyrym qashyqtyqta tabylǵan. Aldyn ala málimet boıynsha, zorlyq-zombylyq belgileri anyqtalmaǵan.
Oblystyq polısııa departamentiniń málimetinshe, qyz bala 5 maýsym kúni saǵat 18:30 shamasynda Syrdarııa ózeniniń jaǵasyna jaqyn jerde ornalasqan úıinen shyǵyp ketip, qaıta oralmaǵan.
Izdeý jumystaryna polısııa qyzmetkerleri, qutqarýshylar men eriktiler, arnaıy tehnıkalar jumyldyrylǵan bolatyn. Qazir quzyrly organdar oqıǵaǵa baılanysty tergeý júrgizip jatyr.
О́kinishke qaraı jaz kelisimen shomylý aımaqtarynda bala ólimi jıilep barady. Bir aı ishinde Túrkistan, Aqmola, Qaraǵandy men Qostanaı oblystarynda búldirshinder sýǵa ketken oqıǵalar boldy. Osyǵan sáıkes, TJM qyzmetkerleri shomylý aýmaqtarynda qaýipsizdik sharalaryn qatań saqtaýǵa shaqyrady.