Qazaqstannyń eńbek naryǵynda jumys kúshine degen suranys artyp keledi. Eńbek resýrstaryn damytý ortalyǵynyń boljamyna sáıkes, 2026 jyly Elektrondyq eńbek bırjasynda (EEB) jarııalanatyn bos oryndar sany 1,12 mln-nan 1,31 mln-ǵa deıin jetýi múmkin. Bazalyq ssenarıı boıynsha bul kórsetkish shamamen 1,2 mln bos oryndy quraıdy, bul 2025 jylmen salystyrǵanda 9%-ǵa joǵary, dep habarlaıdy Egemen.kz.
О́ńirler arasynda eń kóp bos oryn Astanada tirkeledi dep kútiledi – 128 myń. Odan keıin Almaty qalasy (102 myń), Túrkistan (98 myń), Pavlodar (88 myń) jáne Qaraǵandy oblystary (77 myń) tur. Al eń tómen kórsetkish Ulytaý (19 myń), Mańǵystaý (26 myń) jáne Jetisý oblystarynda (28 myń) boljanyp otyr.
Bilim berý, densaýlyq saqtaý, óńdeýshi ónerkásip, memlekettik basqarý, aýyl sharýashylyǵy jáne saýda salalarynda kadr tapshylyǵy saqtalady.
Jasandy ıntellekt qandaı mamandardy eńbek naryǵynan yǵystyrady?
2026 jyly eń suranysqa ıe mamandyqtar qatarynda:
jumysshylar – 80,9 myń bos oryn; basqa sanattaǵy biliksiz jumysshylar – 63,9 myń; aýla sypyrýshylar men aýmaq tazalaýshylar – 50,8 myń; qoǵamtaný pánderiniń muǵalimderi – 33,5 myń; orta medısınalyq personal – 26,3 myń; óńdeýshi ónerkásip jumysshylary – 22 myń; naýqastarǵa kútim kórsetýshiler – 20,2 myń; keńse tazalaýshylary – 20 myń; mektepke deıingi uıym tárbıeshileri – 19,7 myń; úı-jaı tazalaýshylary – 19 myń bos oryn.Jalpy, boljam eńbek naryǵyndaǵy suranystyń basym bóligi jumysshy mamandyqtaryna tıesili ekenin kórsetedi. Sonymen qatar pedagogter men medısına qyzmetkerlerine degen qajettilik te joǵary deńgeıde saqtalyp otyr. Bul demografııalyq ósim men áleýmettik ınfraqurylymnyń keńeıýine baılanysty bilim berý jáne densaýlyq saqtaý salalaryndaǵy kadrlarǵa suranystyń artyp kele jatqanyn ańǵartady.
Janbota BAHYTBEK