Endi el turǵyndary Atyraýdan Batýmıge tikeleı áýe reısi arqyly qatynaı alady. FlyArystan kompanııasy jazǵy demalys maýsymyna oraı jańa áýe reısin ashty, dep habarlaıdy Egemen.kz.
Jańa reıster 14 shilde men 25 tamyz aralyǵynda aptasyna bir ret – seısenbi kúnderi oryndalady. Ushý kestesine sáıkes, Atyraýdan ushaq 10:40-ta kóterilip, Batýmıge jergilikti ýaqyt boıynsha 12:00-de qonady. Keri baǵytta Batýmı qalasynan 13:00-de ushyp, Atyraýǵa 16:15-te jetedi.
FlyArystan prezıdenti ári bas atqarýshy dırektory Iohan Eıdhagenniń aıtýynsha, jazǵy maýsymda teńiz jaǵalaýyna saparlaıtyn týrıster sany artatyndyqtan, kompanııa suranysy joǵary baǵyttardy kóbeıtip otyr.
«Biz úshin mańyzdysy – tek áýe baǵyttarynyń geografııasyn keńeıtý ǵana emes, sonymen qatar jolaýshylarǵa tańdaý múmkindigin kóbirek usyný. Atyraýdan tikeleı reıstiń ashylýy eldiń batysyndaǵy turǵyndarǵa ýaqytty artyq joǵaltpaı, ózderine yńǵaıly túrde sapar josparlaýǵa múmkindik beredi», dedi Iohan Eıdhagen.
Pákistan arqyly ushady: Almaty men Astanadan Dýbaıǵa qatynaıtyn reısterdiń kestesi shyqty
Aıta keteıik, kompanııa jaqynda Astana men Aqtaýdan Batýmıge tikeleı reıster ashqan bolatyn.