Fılıppınniń ońtústiginde magnıtýdasy 7,8 bolatyn jer silkinisi bolyp, saldarynan 32 adam qaza tapty. Sondaı-aq tabıǵı apattyń saldarynan Japonııanyń birqatar jaǵalaýyna sýnamı qaýpi tóndi, dep habarlaıdy Egemen.kz.
Sondaı-aq tabıǵı apattan 200-den astam adam jaraqat alǵan, olardyń kópshiligi zaqymdanǵan ǵımarattardyń ishinde zardap shekken. Sonymen qatar jaǵalaýda bıiktigi 1 metrge jetken sýnamı tirkelgen.
Djeneral-Santos qalasynda birneshe ǵımarat qulap, negizgi ınfraqurylym jer silkinisinen zaqymdanǵan. Sondaı-aq kem degende bir jaǵalaýdaǵy aýylda sýnamı saldarynan ǵımarattar qırady.
Almaty mańynda bolǵan jer silkinisi úsh oblysta sezilgen
Aıta keteıik, jerasty dúmpýleriniń epısentri halqy shamamen 697 myń adam turatyn General-Santos qalasynan soltústikke qaraı 51 shaqyrym jerde ornalasqan. Jer silkinisiniń oshaǵy 10 shaqyrym tereńdikte bolǵan.
Fılıppınniń Azamattyq avıasııa basqarmasy (CAAP) jer silkinisi men sýnamı qaýpine baılanysty General-Santos qalasyndaǵy áýejaıdyń ýaqytsha jabylǵanyn habarlady.
Fılıppın prezıdenti Ferdınand Markos kishi Mındanao aralyndaǵy keıbir aımaqtarda oqý oryndaryndaǵy sabaqty ýaqytsha toqtatýǵa buıryq berdi. Jer silkinisi osy araldyń ońtústik jaǵalaýynda bolǵan. Eldiń prezıdenti úkimettik mekemelerge apat saldaryn joıý boıynsha jumysty úılestirýdi, gýmanıtarlyq kómek kórsetýdi jáne evakýasııalyq ortalyqtardyń jumysyn qamtamasyz etýdi tapsyrdy.
Qytaıda jer silkinisinen eki adam qaza tapty
Sonymen qatar jer silkinisinen keıin Japonııanyń birqatar jaǵalaý aımaqtarynda sýnamı qaýpi jarııalanyp, bıiktigi 1 metrge deıin jetýi múmkin tolqyndarǵa baılanysty ondaǵan myń turǵynǵa evakýasııalaný usynylǵan.
Kaspıı teńizinde bir túnde úsh jer silkinisi tirkeldi