AQSh prezıdenti Donald Tramppen sóıleskennen keıin Izraıl premer-mınıstri Bınıamın Netanıahý Iranǵa qarsy keshki jáne túngi ýaqytqa josparlanǵan soqqylardy toqtatýdy kózdep otyr, dep habarlaıdy Egemen.kz
Izraıl premer-mınıstri Bınıamın Netanıahý men AQSh prezıdenti Donald Tramp Iran shabýyldardy toqtatatynyn málimdegenge deıin bir kún ishinde ekinshi ret telefon arqyly sóılesti. Bul týraly Izraıl buqaralyq aqparat quraldary habarlady.
Izraıldiń Kan 13 telearnasynyń málimetinshe, Netanıahý men Tramp sol kúni eki márte telefon arqyly tildesken.
Basylymnyń habarlaýynsha, áńgime Irannyń Izraılge qarsy shabýyldaryn toqtatatyny týraly málimdemesinen az ýaqyt buryn bolǵan.
Eýroodaq Izraılge qarsy sanksııa engizbek
Al Yedioth Ahronoth gazeti Tramppen bolǵan áńgimeden keıin Netanıahý keshki jáne túngi ýaqytta Iranǵa qarsy josparlanǵan soqqylardan bas tartýy múmkin ekenin jazdy.
Buǵan deıin Izraıl áskeri atysty toqtatý rejımine qaramastan Lıvan astanasy Beırýt qalasynyń Dahııa aýdanynda áýe shabýylyn jasaǵan. Iran bıligi bul áreketti aıyptap, jaýap qaıtaratynyn málimdedi.
Túnde Izraıldiń soltústigindegi birneshe qalada Iran tarapynan zymyrandar ushyrylǵannan keıin dabyl sırenalary qosyldy.
Tramp Izraıl men «Hezbolla» atysty toqtatýǵa keliskenin málimdedi
Izraıl áskeri Irannyń batys jáne ortalyq aýdandaryna soqqy jasaǵanyn habarlady. О́z kezeginde Tegeran bul shabýyldarǵa zymyrandyq soqqylarmen jaýap qaıtardy.
Oǵan deıin Iran qarýly kúshteriniń áskerı operasııalardy úılestirýge jaýapty «Hatam ál-Anbııa» shtaby Izraılge qarsy áskerı operasııalardyń toqtatylǵanyn jarııalaǵan bolatyn.