Elimizde 2026 jylǵy egin egý naýqany agrotehnıkalyq talaptarǵa saı merziminde aıaqtaldy. Jalpy egis alqaby 23,8 mln gektardy qurap, ótken jylmen salystyrǵanda 180 myń gektarǵa ulǵaıdy, dep habarlaıdy Egemen.kz
2026 jyly kóktemgi dala jáne egin jınaý jumystaryn jeńildetilgen qarjylandyrýǵa 750 mlrd teńge qarastyryldy. Búginde 4,8 myń aýyl sharýashylyǵy taýaryn óndirýshige 573 mlrd teńge bólindi.
Kóktemgi dala jumystaryn qarjylandyrýǵa ótinim qabyldaý alǵash ret 2025 jyldyń qazan aıynda bastalyp, fermerlerge maýsymǵa aldyn ala daıyndalýǵa jáne shyǵyndaryn tıimdi josparlaýǵa múmkindik berdi.
Kóktemgi dala jumysy qarqyn aldy
Kepildik múlki jetkiliksiz sharýalar úshin nesıe somasynyń 85%-na deıin memlekettik kepildik berý tetigi iske qosylyp, qarjylandyrýǵa qoljetimdilik aıtarlyqtaı keńeıdi.
Egis alqaptaryn ártaraptandyrý nátıjesinde maıly daqyldar kólemi 4,3 mln gektarǵa, mal azyqtyq daqyldar kólemi 3,3 mln gektarǵa deıin ulǵaıtylyp, bıdaı alqaptary ońtaılandyryldy.