Lıvııadaǵy jappaı tártipsizdikterge baılanysty Konsýldyq qyzmet departamenti sol eldegi Qazaqstannyń dıplomatııalyq mıssııasymen birlese otyryp, Qazaqstan azamattaryn atalǵan elden shyǵarý boıynsha tıisti jumystar atqarýda.
Dıpmıssııasynyń málimetine sáıkes, 2011 jylǵy 22 aqpandaǵy ahýal boıynsha, Lıvııada konsýldyq esepte bolǵan 21 azamatymyz qalýda. Olar: dıpmıssııanyń 3 qyzmetkeri men olardyń otbasy músheleri, 6 stýdent, 5 shetel azamattarynyń jubaılary, 7 ár túrli sheteldik kompanııalarda isteıtin Qazaqstan azamattary.
Konsýldyq qyzmet departamenti Qazaqstan azamattary Lıvııadaǵy Reseı, Túrkııa jáne Ýkraınanyń elshilikterine atalǵan elden alyp ketýge ótinish bildirgen jaǵdaıda qoldaý kórsetý jóninde arnaıy hat joldaǵan.
Trıpolıden túsken sońǵy aqparatqa sáıkes, QR dıpmıssııasy Reseıdiń arnaıy bortyna elimizdiń azamattaryn otyrǵyzý boıynsha kórshiles memleket tarapymen tıisti jumystar atqarǵan. О́tinishke oraı, 23 aqpanda Reseı ushaǵymen Trıpolı áýejaıynan Qazaqstanǵa eki el azamaty jetkizilgen, dep habarlady QR SIM-iniń Konsýldyq qyzmet departamenti.