Yrys yntymaqqa jolyqsyn, dáýlet birlikpen tolyqsyn

Bıylǵy Joldaý mynadaı dana sózben bastalǵan «Yrys yntymaqqa jolyǵady, dáýlet birlikpen toly­ǵady». Men bul sózdi bylaısha órbitkim keledi: «Yrys ózdiginen yntymaqqa jolyqpaıdy, dáýlet te ózdiginen birlikpen tolyqpaıdy. Yrystyń yntymaqqa jolyǵýy úshin de, dáýlettiń birlikpen tolyǵýy úshin de sebep bolýy kerek. Elimiz táýelsizdik alǵaly beri halyqaralyq deńgeıde óziniń tuǵyr tórine batyl kóterilip keledi. О́zge elderden bereke qashyp, halyqtar arazdyǵy órship kele jatsa, bizdiń elimizge, kerisinshe, yrys qonyp, halyqtar yntymaǵy jyl saıyn artyp, odan ary kúsheıe túsýde. О́zge elderde ekonomıkalyq toqyraýlar oryn alsa, bizde, kerisinshe, dáýletimiz asyp, órkenıetti eldermen terezemiz teńesip qaldy. Ony dáleldep jatýdyń qajeti shamaly, elimizge yrys qonyp, dáýletimizdiń artýyna birden-bir sebep – Otanymyzdaǵy dostyq qarym-qatynas, túrli baǵyt­tar­daǵy túsinistik, osynyń nátıjesinde qol jetkizip otyr­ǵan áleýmettik-ekonomıkalyq tabystarymyz. Al osy­lardyń barlyǵynyń derlik bastaýynda halyqqa ar­nalatyn jyl saıynǵy joldaýlar turǵany taǵy aqıqat. Orta bilim berý júıesiniń ókili retinde meni Jol­daýdaǵy osy salada jumys jasaıtyn qyzmetkerlerdiń aldyna qoıylǵan mindetter qyzyqtyrady. Bıylǵy Joldaýda orta bilim berý salasyn 12 jyldyq modelge kóshirýge daıyndaý jáne bilim sapasyn kóterý mindeti qoıylyp otyr. Negizgi nazar kásiptik-tehnıkalyq bilim berýge jáne joǵary oqý oryndaryn jańǵyrtýǵa bólingen, ıaǵnı joo-lardyń ınnovasııalyq modelderi qalyptastyrylmaq. Bul strategııany óz basym óte utymdy jáne orta bilim berý salasynyń damýyna úlken túrtki bolatyn, onyń básekelestik baǵytynda saýyǵýyna yqpal etetin qajetti áreket dep oılaımyn. Sebebi, naryqtyń zańdylyǵy boıynsha damý bolý úshin mindetti túrde básekelestik jaǵdaıdyń bolýy shart, al talap etilip otyrǵan qarqynda damý úshin básekeles qajet. Son­dyqtan orta bilim berý salasynda jumys jasaıtyn qazmetkerler men mektep basshylarynyń aldynda elimizdegi 20 ıntellektýaldy mektepke básekeles bola alatyndaı sharalardy jedel qolǵa alý mindetteri tur jáne ol bizdiń qolymyzdan keledi dep senemin. Men mektep basshysy retinde ár isimde, mektepti damytýdyń jobasyn jasaýda elimizdiń damý baǵdarla­malaryna, strategııalyq josparlaryna arqa súıeımin. Olar ázirge adastyrǵan joq. Erulan JIENBAEV,  daryndy balalarǵa arnalǵan  №92 mamandandyrylǵan mektep-lıseı dırektory. Almaty.