Birgemiz, árdaıym berik irgemiz

Elbasynyń «Bolashaqtyń irgesin birge qalaımyz» atty Joldaýy ha­lyqqa jol tartty. Erekshe yqylaspen tanystym. Onda búgingi qalyptasqan jaǵdaı men elimizdiń ishki jáne syrtqy saıasaty, ekonomıka men rýhanı salaǵa baılanysty tereń oı-pikiri bizdiń erteńgi baqytty ómirimizdiń kepilindeı áserge bóledi. Búginde saıası partııalar úlken saıası-qoǵamdyq qúsh­ke aınalyp, olardyń jergilikti deń­geıdegi yqpaly ǵana emes, halyq­aralyq saıasat sahnasyndaǵy róli artýda. «Nur Otan» partııaaralyq yq­pal­dastyqty damy­týdaǵy mańyzdy qa­damda árdaıym kóshbasshy bolyp keledi. «Nur Otandy» bıliktiń partııasy deıdi. Biz tek qana bıliktiń emes, biliktiliktiń partııasymyz, degim keledi. Partııanyń 2020 jylǵa deıingi kezeńge arnalǵan baǵdarlama jobasy bastaýysh partııa uıymdarynda ke­ńi­nen talqylanyp, usynystar engizilip, qoldaýǵa ıe boldy. Qalalyq fılıal­dyń 7194 múshesi 15 bastaýysh partııa uıymyna shoǵyrlanǵan. «Nur Otan» músheleriniń sany jyl ishinde 800 adamǵa ósti. Partııa fılıalynda bas­taýysh partııa uıymdarymen jumys jasaý tártipke keltirilse, bıýro mú­sheleri men depýtattyq fraksııa mú­sheleri, partııa fılıaly qyzmetker­leri bekitildi. Respýblıkalyq baıqaý­larda partııalyq beketter jumysy boıynsha ekinshi oryndy ıelensek, jastarǵa saıası bilim berýden, tyń pishindi is-sharalar, jańa áleýmettik mańyzy bar jobalar tarapynan respýblıka kóleminde is-tájirıbemiz ta­ratyldy. Qoǵamdyq komıssııanyń jumys ná­tıjesi el kóleminde ońdy baǵa alyp, respýblıkalyq partııa basshylary qalalyq fılıal jumysyn kórip, rı­zashylyqtaryn bildirýi partııa bel­sen­dileriniń arqasy der edim. Oblys kólemindegi jastar arasyndaǵy baı­qaýlarda júldeli oryndarǵa ıe bolyp júrgen jastarymyzdy árdaıym maq­tan etemiz. «Jaqsylardyń úlesi – janyp turǵan shamdaı», degen eken halyq. Bizdiń bastaýysh partııa uıymdary tóraǵalarynyń azamattyq, saıası belsendilikteri joǵary. Ár jyl saıyn ótkiziletin «Eń úzdik bastaýysh partııa uıymy» baıqaýy nátıjesinde qala­lyq partııa fılıalynyń aýyspaly kýbogy eń úzdik bastaýysh uıymǵa tapsyrylyp keledi. «Temir syryn otta tanytady, adam syryn joqta tanytady», degendi ja­ny aýyrǵan pende aıtsa kerek. Bas­taýysh partııa uıymdary qashanda jarlynyń joǵyn joqtap, múmkindigi shekteýli, jalǵyzilikti azamattarǵa qamqorlyq kórsetýdi paryz sanaıdy. «Otan ardagerleri» keńesi oblystyq ardagerler keńesimen birge qashanda jastarǵa úlgi kórsetip, qoǵamdyq, saıası-buqaralyq jumystyń bel ortasynan kórinýde. Búgingi zaman – báseke zamany. Báseke qashanda tynymsyz eńbekti, jańashyldyq pen biliktilikti, qa­tar­dan ozyp, alǵa túsýdi talap etedi. Biz kóp ultty partııamyz. Bizdiń ómirlik kúshimizdiń, shyǵarmashylyq kúsh-qýatymyz ben jasampazdyq áleýeti­mizdiń qaınary osynda. Qalalyq partııa fılıaly oblysta birinshi bolyp bastaýysh partııa uı­ymdarynyń úzdik is-tájirıbelerin jı­naqtap, ádistemelik kitaptar shy­ǵar­dy. Sońǵy eki jylda 19 ádiste­me­lik oqý quraly shyǵarylyp, bastaýysh partııa uıymdaryna taratyldy. Múmkindik te, saıası kúsh te jeterlik. Demek, Joldaýda jáne «Nur Otan» HDP-nyń jaqynda ótken HIII se­zin­de aıtylǵandardy basshylyqqa alyp, áleýmettik-ekonomıkalyq máse­le­ler­diń jedel sheshilýi men qoǵamdy dáı­ek­ti demokratııalandyrýǵa baǵyt­tal­ǵan stra­tegııalyq maqsattardy or­yn­daýǵa kiristik. Ol óz nátıjesin beretini anyq. Joldaý el mereıin ósirdi, qýat berdi. Endi ony jumysymyzdyń ar­qaý­yna aınaldyrý úshin jumyla eńbek etemiz. Ásııa AHMETOVA, «Nur Otan» HDP Taldyqorǵan qalalyq fılıaly  tóraǵasynyń birinshi orynbasary. Almaty oblysy.