Komıssııa qorytyndylary qaraldy

Keshe Densaýlyq saqtaý mınıstrliginde qurylymdyq bólim­sheler men ob­lystyq densaýlyq saqtaý bas­qar­malary basshylarynyń, iri medı­sı­nalyq uıym­dar bas dári­ger­leriniń jáne osy vedomstvo komı­tetteriniń óńirlik departamentteri dırektor­la­rynyń qatysýymen se­lek­torlyq keńes bolyp ótti. Onda ınfeksııalyq aýrýlar boıynsha respýblıkadaǵy epıdemıologııalyq jaǵdaı jáne ım­mýndyq profılaktıkanyń keıbir má­seleleri men «Vremıa» gazetinde, son­daı-aq azamattardyń habar­la­ma­la­ryn­da kórsetilgen faktilerdi tekserý úshin qurylǵan jumys ko­mıs­sııa­sy­nyń qorytyndylary qaraldy. О́tken kezeń ishinde respýblı­ka­daǵy epıdemıologııalyq jaǵdaı tu­raqty bol­dy. 18 ınfeksııalyq aý­rý, onyń ishinde JRVI jáne tu­maý boıynsha aýrý deń­geıiniń tó­men­degeni baıqaldy. «Sala­mat­ty Qa­zaqstan» memlekettik baǵ­dar­la­ma­syn júzege asyrý aıasynda respýblıka boıynsha pnevmokokk ınfek­sııa­la­ryna qarsy kezeń-kezeńmen egý shara­lary engizilýde. Polıo­mıe­­lıt­tiń tara­lýy­nyń al­dyn alý jáne eskertý maq­satynda aǵymdaǵy jyldyń sáýir-mamyr aıla­rynda 5 jasqa deıingi balalardy ım­mý­nı­za­sııalaýdyń qosymsha ulttyq shara­syn júrgizý josparlanyp otyr. Keńes barysynda stasıonarlyq kó­mektiń qoljetimdiligi máselesi tal­qylandy. Aǵymdaǵy jyly portalda 148,7 myń joldama tirkelgen, olar­dyń 43 paıyzy aýyl turǵyn­da­ryna tıesili. Gos­pıtaldandyrýdyń proble­ma­lyq má­­se­le­lerin shuǵyl sheshý maqsatynda portal boıynsha kún sa­ıyn monıtorıng júr­gizilip otyrady. Jumys komıssııasynyń qory­tyn­dylary Premer-Mınıstr Ká­rim Má­si­movke usynyldy. Tekserister aıaq­tal­ǵannan keıin Den­saý­lyq saq­taý mınıs­trliginiń Medı­sı­­na­lyq, far­ma­sev­tıkalyq qyz­met­ti ba­qylaý komıteti men Memlekettik sa­­nı­tarlyq-epı­demıolo­gııa­lyq qa­da­ǵa­laý komıteti óńir­lik bólim­she­le­ri jetekshileriniń atqa­ryp otyr­ǵan laýazymdyq qyz­metterge sáı­kes­tigi máselesi sheshiletini aı­tyldy. «Egemen-aqparat».