Qazaqstan Respýblıkasy Ulttyq Bankiniń resmı habary

2011 jylǵy 26 aqpan, Almaty «Uly qolbasshylar» monetalar serııasynan «Tomırıs» eskertkish kúmis monetasyn aınalysqa shyǵarý týraly «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155 Zańyna sáıkes, Qazaqstan Respýblı­ka­sy­nyń Ulttyq Banki 2011 jylǵy 26 aqpanda «Uly qolbasshylar» monetalar serııa­sy­nan «proof» sapasymen jasalǵan nomına­ly 100 teńgelik «Tomırıs» eskertkish kúmis monetasyn aınalysqa shyǵarady. «Tomırıs» monetasynyń sıpattamasy: Monetanyń bet jaǵynda (aversinde) sol jaǵynda Qazaqstan Respýblıkasynyń al­tyndatylǵan eltańbasy, monetanyń no­mı­nalyn bildiretin «100 TEŃGE» degen jazba jáne Qazaqstan teńge saraıynyń taýar belgisi ornalasqan. Oń jaq bóliginde – salt attylar. Tómengi bóliginde soǵylǵan jylyn bildiretin «2010» degen san beınelengen. Aınaldyra shyǵyńqy jıek júr­gi­zilgen jáne memlekettik tilde «QAZAQ­STAN ULTTYQ BANKI» jáne aǵylshyn tilinde «NATIONAL BANK OF KAZAKH­STAN» degen jazýlar bar. Jazýlar núk­telermen bólingen. Monetanyń syrt jaǵynda (reversinde) ortada sansyz ásker qaýmalaı qorshaǵan Tomırıs patshanyń beınesi (A.Dúzelha­novtyń kartınasynyń fragmenti) orna­las­qan. Joǵarǵy bóliginde aınaldyra moneta daıyndalǵan metaldy, onyń synamy men massasyn bildiretin «Ag 925, 31,1gr.» degen jazý jáne patsha ómir súrgen ǵasyrdy bildiretin «VI v.s.» jáne «Tomırıs» degen jazý bar. Aınaldyra shyǵyń­qy jıek júrgizilgen. Monetanyń bet jáne syrt jaǵyndaǵy beıneler men jazýlar bederlengen. Qyry (gýrty) bederli. Moneta 925 synamdy kúmisten, massasy – 31,1 gramm, dıametri – 38,61 mm, «proof» sapasymen daıyndalǵan. Eń kóp taralymy – 13 myń dana. Nomınaly 100 teńge eskertkish kúmis mo­netalar Qazaqstan Respýblıkasynyń bú­kil aýmaǵynda kórsetilgen qunymen tó­lem­niń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý úshin jáne aýdarym jasaý úshin qabyldanýǵa mindetti, Qazaqstan Respýb­lıkasynyń barlyq bankterinde shekteýsiz usaqtalady jáne aıyrbastalady. Qazaqstan Respýblıkasy Ulttyq Bankiniń osy resmı habarǵa túsiniktemesi «Tomırıs» eskertkish kúmis monetalary Qazaqstan Respýblıkasynyń Ulttyq Banki, «Polshanyń moneta saraıy» aksıonerlik qoǵamy jáne «Qazaqstan Respýb­lıkasy Ulttyq Bankiniń Qazaqstan teńge saraıy» sharýashylyq júrgizý quqyǵy bar respýblıkalyq memlekettik kásiporny ara­syndaǵy Monetalar shyǵarýǵa jáne satýǵa arnalǵan kelisimge sáıkes daıyndaldy. Osy Kelisim boıynsha: - «Polshanyń moneta saraıy» Qa­zaqstannan tys jerlerde taratý nemese satý úshin Ulttyq Bankten tıisti mone­talardy satyp alady; - Qazaqstan teńge saraıy monetalardy daıyndaıdy jáne jetkizedi; - Ulttyq Bank daıyndalǵan moneta­lar­dyń bir bóligin 3000 (úsh myń) dana sa­ny­men kolleksııalyq quny boıynsha Qazaq­stan­nyń ishki naryǵynda satý úshin rezervteıdi. Budan úsh myń jyl buryn qazirgi Qa­zaqstannyń keń dalasynda qudiretti saq-massagetter ómir súrdi. Uly dala biz úshin óz batyrlary týraly estelikter saqtap kelgen. Ejelgi jylnamalar boıynsha Tomırıs retinde belgili massagetter pat­sha­sy Tumar hanym parsy áskerine kúırete soqqy berdi jáne Parsy derjavasynyń negizin qalaýshy Kır patshany jeńip shyqty. Monetalardyń dızaıny Qazaqstan Res­pýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Ulttyq valıýta - Qazaqstan teńgesi banknottary men monetalary dızaıny­nyń tujyrymdamasyna sáıkes ázirlengen. «Proof» sapasymen jasalǵan eskertkish monetalar kolleksııalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Res­pýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan. Monetalardy Qazaqstan Respýblıkasy Ult­­tyq Bankiniń barlyq fılıaldarynda, Alma­ty qalasynda myna meken-jaı boı­ynsha satyp alýǵa bolady: Panfılov kó­she­si, 98. Anyqtama úshin telefony (727) 273-83-98.