Qazaqstan Respýblıkasy Ulttyq Bankiniń resmı habary

2011 jylǵy 26 aqpan, Almaty «Joıylyp bara jatqan janýarlar» monetalar serııasynan «Qaraqal» eskertkish kúmis monetasyn aınalysqa shyǵarý týraly «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń № 2155  Za­ńyna sáıkes Qazaqstan Res­pýb­lı­kasynyń Ulttyq Banki  2011 jylǵy 26 aqpanda «Jo­ıylyp bara jatqan janýarlar» monetalar serııasynan «proof» sapasymen no­mınaly 100 teńgelik eki gaýhar orna­tyl­ǵan «Qaraqal» eskertkish kúmis monetasyn aınalysqa shyǵarady. «Qaraqal» monetasynyń sıpattamasy: Monetanyń bet jaǵynda (aversinde) jo­ǵary bóliginde Qazaqstan Respýblı­ka­synyń eltańbasy beınelengen. Eltańba­nyń sol jaq bóliginde moneta daıyn­dalǵan metaldy jáne onyń synamyn bildiretin «Ag 925» degen jazý, oń jaǵynda – monetanyń massasyn bildiretin «31,1gr.» degen jazý bar. Tómengi bóliginde mone­tanyń nomınalyn bildiretin «100 TEŃ­GE» degen jazý bar. Nomınaldyń sol já­ne oń jaǵynda ulttyq oıý-órnek elementi beınelengen. Aınaldyra memlekettik tilde «QAZAQSTAN ULTTYQ BANKI» degen jazý jáne shyǵyńqy jıek júrgizilgen. Monetanyń syrt jaǵynda (reversinde) ortalyq bóliginde qaraqaldyń altyn­da­tylǵan beınesi ornalasqan. Qaraqaldyń kózderiniń ornyna eki gaýhar ornatylǵan. Beıneniń sol jaǵynda soǵylǵan jylyn bildiretin «2009» degen san jazylǵan, oń jaqta –  Qazaqstan teńge saraıynyń taýar belgisi. Joǵary bóliginde aınaldyra memlekettik tilde «QARAQAL» jáne túrdiń zoologııalyq aty latyn tilinde – «FELIS CARACAL» degen jazý bar. Aınaldyra shyǵyńqy jıek júrgizilgen. Monetanyń bet jaǵyndaǵy jáne syrt jaǵyndaǵy beıneler men jazbalar bederlengen. Qyry (gýrty) bederli. Moneta  925 synamdy kúmisten daıyn­dalǵan, massasy – 31,1 gramm, dıametri – 38,61 mm, árqaısysynyń dıametri bir mıllımetrge deıingi eki gaýhar ornatyl­ǵan, daıyndalý sapasy – «proof». Eń kóp taralymy  - 13 myń dana. Nomınaly 100 teńgelik eskertkish kúmis monetalar Qazaqstan Respýblıkasynyń bú­kil aýmaǵynda kórsetilgen qunymen tó­lemniń barlyq túrleri boıynsha, sondaı-aq shottarǵa, salymdarǵa, akkredıtıvterge esepteý jáne aýdarym jasaý úshin qa­byldanýǵa mindetti, Qazaqstan Respýblı­ka­synyń barlyq bankterinde shekteýsiz usaqtalady jáne aıyrbastalady. Qazaqstan Respýblıkasy Ulttyq Bankiniń osy resmı habarǵa túsiniktemesi «Qaraqal» eskertkish kúmis monetalary Qazaqstan Respýblıkasynyń Ulttyq Banki, «Polshanyń moneta saraıy» aksıonerlik qoǵamy jáne «Qazaqstan Res­pýb­lı­ka­sy Ulttyq Bankiniń Qazaqstan teńge saraıy» sharýashylyq júrgizý quqyǵy bar respýblıkalyq memlekettik kásiporny ara­syndaǵy Monetalar shyǵarýǵa jáne satýǵa arnalǵan kelisimge sáıkes daı­yndaldy. Osy Kelisim boıynsha: - «Polshanyń moneta saraıy» Qa­zaq­stannan tys jerlerde taratý nemese satý úshin Ulttyq Bankten tıisti monetalardy satyp alady; - Qazaqstan teńge saraıy monetalardy daıyndaıdy jáne jetkizedi; - Ulttyq Bank daıyndalǵan moneta­lardyń bir bóligin 3000 (úsh myń) dana sanymen kolleksııalyq quny boıynsha Qazaqstannyń ishki naryǵynda satý úshin rezervteıdi. Qaraqal mysyq tuqymdas jabaıy sút­qorektiler túrine jatady. Qazaqstanda qa­raqal Bozashy jáne Mańǵystaý túbeginde tabylǵan. Bul syrtqy túrine qaraǵanda sileýsinge uqsas óte sırek kezdesetin janýar. Monetalardyń dızaıny Qazaqstan Res­pýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Ulttyq valıýta – Qazaqstan teńgesi banknottary men monetalary dızaıny­nyń tujyrymdamasyna sáıkes ázirlengen. «Proof» sapasymen jasalǵan eskertkish monetalar kádesyılyq oraýmen shyǵa­ry­lady jáne Qazaqstan Respýblıkasy Ult­tyq Bankiniń memlekettik, orys jáne aǵyl­shyn tilderindegi nómirlik sapa ser­tıfıkatymen jabdyqtalǵan. Monetalardy Qazaqstan Respýblıkasy Ulttyq Bankiniń barlyq fılıaldarynda satyp alýǵa bolady, Almaty qalasyndaǵy meken-jaıy: Panfılov kóshesi, 98. An­yqtama telefony (727) 273-83-98.