Qalany dúrliktirgen qandy oqıǵa

Oral qalasyna taıaý mańdaǵy or­man alqabynan analy-balaly Re­­seı azamattarynyń qatygez­dik­pen óltirilgen múrdeleri tabyl­dy. Oral qalasynyń 55 jastaǵy L. degen turǵyny Rıazan qa­lasynan kelgen týysqan­da­ry­nyń is-tússiz joǵalyp ketkendigi jóninde qalalyq ishki ister bas­qarmasyna qarasty Abaı polısııa bólimine shaǵymdanǵan. Oqıǵa bylaı bolypty. Ana­ly-balaly rıazandyqtar Oral qalasyna muraǵa qaldyrylǵan páterdi satý úshin kelgen eken. Osynaý qaıǵyly oqıǵa bolatyn kúni olar aldyn-ala telefon arqyly sóılesip júrgen satyp alýshylarmen kezdesýge asy­ǵyp­ty. Biraq, olar tańerteńgilik úıden shyǵyp ketkennen qaıtyp oralmaǵan. Kúte-kúte tózimi taý­sylǵan týysy bir jamandyqtyń bolǵanyn ishi sezgendeı, ertesine polısııaǵa habarlasqan. Kelesi kúni polısııa qyzmet­kerleri atalǵan fakti boıynsha QR QK 96-baby 2-bólimi «a» tar­maǵy boıynsha qylmystyq is qozǵap, jedel izdestirý shara­lary qolǵa alynǵan. Júrgizilgen izdestirý sharalary barysynda qyl­mys jasady degen kúdikpen Oral qalasynyń tórt turǵyny qolǵa tústi. Atalǵan kúdik­ti­ler­diń Reseı azamattaryn páterdi ıelený úshin óltirgeni belgili bol­dy. Olar páter satyla­tyn­dyǵy jóninde jarnamany jergilikti gazetten kórip, satyp alý­shylar keıpinde páter ıesine habarlasqan. Iаǵnı, ózderiniń jy­mysqy áreketin búge-shigesine deıin josparlaǵan tá­riz­di. Ýaǵ­dalasqan ýaqytynda páter ıelerimen kezdesken boıda qarý­men qorqytyp, qaladaǵy nota­rıýs­­tardyń birine alyp kelgen. Kó­liktiń ishinde anasyn tapanshamen qorqytyp, kepildikke alǵan. Al muragerlikke qaldyrylǵan pá­ter ıesi bolyp tabylatyn bala­syn notarıýske kirgizip, satyp alý-satý týraly kelisim-shartqa qol qoıdyrǵan. Odan ári jábir­le­nýshilerdi temir jol mańaıyn­daǵy adam kóp júrmeı­tin jerge aparyp, qylǵyndyryp  óltirgen. Adam qanyn moınyna júkteýden taıynbaǵan tórteý múrdelerdi qalaǵa jaqyn orna­lasqan Shapov aýylynyń ma­ńyn­daǵy orman al­qa­byna  apa­ryp, qalyń qarǵa ja­syr­ǵan. Jedel is-sharalar bary­synda tár­tip saqshylary kúdik­tilerdi alaıaqtyq jolmen qol jetkizgen páter ornalasqan turǵyn úıdiń qasynan qolǵa túsirdi. Uı­ym­dasqan toptyń barlyq mú­she­si de Oral qalasyndaǵy kafe­ler­diń birinde jumys jasaıtyn jas jigitter bolyp shyqty. Ol­ar­dyń úlkeni – 1985 jyly, eń jasy 1992 jyly týǵan. Qazir qylmystyq is boıyn­sha sottyq saraptama taǵaıyn­dal­dy. Tergeý amaldary júrgizilýde. Fatıholla MAShTAQOV, polısııa polkovnıgi. Batys Qazaqstan oblysy.