Qarshadaı ǵana qaharman

Tórt qyz. Tún qarańǵy­ly­ǵynda úıde qalǵan. Aınala qara túnek. Úıde jaryq ta joq. Syǵyraıǵan maı shammen alań­dap ata-analaryn kútýde. Qyz­dar­dyń úlkeni Maıra 6-sy­nyp­ta oqıdy. Onan keıingi Dınara 2-synypqa endi bardy. Úshinshi qyz – Jasmın. Ol mektepaldy daıarlyq synybynda. Qun­daq­taǵy Aısananyń dúnıege kelgenine úsh-aq aı bolǵan. Ata-ana­lary bala-shaǵasyn asyraý úshin otyn satýmen aınalysady. Ádet­te kesh batpaı úıge ora­latyn. Búgin keshigip jatyr. Olar Qyzylorda qalasynyń shetindegi saıajaıda turatyn. Bárimizge belgili, saıajaıda qys mezgilinde jaryq bolmaıdy. Úıleri úsh bólmeli. Maıshamǵa telmirgen tórt qyz bir ýaqytta uıyqtap ketedi. Qannen-qaper­siz uıyqtap jatqan Maıranyń murnyna kúıik ystyń ıisi kelipti. Oıanyp ketse, úı órtenip jatyr. Maısham qulapty. Sodan tutanǵan ot – órtke aınalǵan. Ata-analary áli kelmegen. О́zi­nen keıingi úsh qyz tátti uıqy­nyń qushaǵynda jatyr. Dereý ózinen keıingi sińlisi Dınarany oıatady. Elgezek Dınara esikke umtylady. Biraq esikke mańaı­laı almaıdy. О́ıtkeni, ol jaq qa­lyń otqa oranyp jatqan. Qar­shadaı ǵana qyz saspaıdy. Tike terezege barady da, jalań qolmen áınekti urady. Syndyra almaıdy. Yshqynyp taǵy soǵady. Sol sátte áınek shytynaıdy. Úshin­shi márte urǵanynda áınek shashylyp jerge túsedi. Eki qoly qan-qan. Murnynan da qan ketipti. Maıra ne isterin bilmeı abdyrap, qundaqtaǵy Aısanany qushaǵyna qysa túsedi. Dál sol kezde Dına­ranyń ashy daýysyn estıdi. «Aı­sanany maǵan ber!». Qarasa, siń­lisi synǵan terezeden dalaǵa ótip, Maıraǵa eki qolyn sozyp tur eken. Ol Aısanany tez kórpesine oraı­dy da, Dınaraǵa beredi. Sosyn áli uıyqtap jatqan Jasmındi kóte­rip terezege aparady. Dınara ony da syrtqa shyǵarady. Aınalany sharpyǵan órtten tórt qyz da aman shyǵady. Biraq úı túgelimen órtenip, kúli qalady. Úıdi jarty­laı bolsa da aman alyp qalýǵa bolar edi. Qyzdar kimge habar­lasatynyn bilmegen. Sondyqtan órt sóndirýshiler keshigip jetken. ...Úıleri órtenip, balalary otpen arpalysyp jatqanda erli-zaıypty Jańbyrbaı Qystaý­baev pen Meıramkúl Oryn­bae­va qaladan endi shyqqan. Kún uzaqqa dalada turyp, otyn sa­tady. Bul kezde saǵat túngi onnyń shamasy edi. О́rt sóndirýshilerge ilesip jedel járdem keledi. Qyz­dar­dy birden oblystyq balalar aýrýhanasyna jetkizedi. Tórt qyz­ǵa ıis tıgen. Onyń ústine biri tumaýmen, ekinshisiniń tamaǵy aýyryp júr eken. Jedel kór­setilgen medısınalyq kómek­tiń arqasynda Maıra, Dınara, Jasmın, Aısananyń densaýly­ǵy­na asa úlken qaýip tónip tur­ǵan joq. Qazir jaǵdaılary jaqsy. Jumyssyz júrý otaǵasyna ońaı emes. Oǵan ózderi kúnel­tip júrgen úıdiń kúlge aınal­ǵanyn qosyńyz. Tórt bala ana­symen aýrýhanada jatyr. Olar­ǵa da tamaq kerek. Keń­peıil qazaq emespiz be? Osy oqıǵadan qu­laǵdar bolǵannyń bári habarlasyp jatyr. Barlyǵynyń aıtatyny bir sóz: qalaı kómektese alamyz? Keshe aýrýhanada jatqan qyzdarǵa oblys ákimi Bolatbek Qýandyqov bardy. Jaǵdaılaryn bilmekke. Ákim qalyń ottan aman shyqqan qyzdarǵa qurqol kelmepti. Qarshadaı bolsa da qahar­mandyq tanytqan Dınaranyń basynan sıpap, mańdaıynan súı­ip jyly sózin aıtty. Alǵys hatyn berdi. Aısanaǵa arnaıy daıyndalǵan náresteniń tamaǵyn ala kelipti. Maıra, Dınara, Jasmınge oıynshyqtar berdi. Bul bir músirkegennen, ne bolmasa, aıanysh­tan týǵan áreket emes. Keıbir eresek azamattardyń qolynan kelmeıtin erlikti jasaǵan, otpen alysyp, aman shyqqan búldir­shinderdiń kóńilin aýlaý edi. – Endi biz sizderge Qyzylorda qa­lasynan úsh bólmeli páter sa­typ alyp berýdi uıǵaryp otyr­myz. Onyń ishindegi jıhazyn, kerek-jaraǵyn da jetkizip beremiz. Al myna Dınara qyzymyzǵa bankten arnaıy depozıt ashamyz. Búginde búkil Qazaqstan boıynsha qalaı kómektesemiz dep jatqan aǵaıyndar bar. Sony Dınaranyń depozıtine salaıyq. Men ózim eń birinshi bolyp alǵashqy salymyn salýǵa daıynmyn. Bul – qaıyrymdylyq emes. Mynandaı qaısar qyz erteń mektep bitirip, mamandyq alǵannan keıin úlken ómirge aıaǵynan nyq basyp ketýi úshin jasalatyn kómek, – dedi Bolatbek Baıanuly. Ákim sol jerde otaǵasynyń bolashaqtaǵy jaǵdaıyna da alańdaıtynyn bildirdi. Tıisti mekemelerge, Jańbyrbaı Qys­taý­baevty jumysqa ornalas­ty­rý jaǵyn tapsyrdy. Eger arnaıy bilimi bolmasa, oqytyp jumysqa turǵyzý kerek ekenin de aıtty. Sóıtip, keshe ǵana bastaryna qara bult úıirilip, balalary­nyń aman qalǵanyna shúkir­shi­lik etip otyrǵan otba­syna memleket tıisti kómegin berdi. Qolushyn sozdy. Búgin erlikke barǵan jas qyz erteń eldikti de oılaıdy. Shúkir, bir otbasynyń tórt balasy aman qaldy. Muny bolashaqta memlekettiń de qamyn jeıtin, sóıtip, adal nanyn jeıtin jetkinshekterdiń aman qalǵany dep túsiný kerek. Erjan BAITILES. Qyzylorda. ------------------------------- Sýrette: Soldan ońǵa qaraı – Dınara, Meıramkúl, qun­daq­taǵy Aısana jáne Maıra.