Mańyzdy máseleler sóz boldy

Keshe Premer-Mınıstr Kárim Másimov Búkilálemdik ıslam ekonomıkalyq forýmynyń (BIEF) tóraǵasy Týn Mýsa bın Hıtammen kezdesti, dep habarlady Premer-Mınıstrdiń baspasóz qyzmeti. Kezdesýde Islam Konfe­ren­sııasy Uıymy Syrtqy ister mınıstrleri keńesiniń jáne IKU-ǵa múshe memleketterdiń jyl saıynǵy basty ekonomıkalyq sammıti nemese «Islamdyq Davos» bolyp tabylatyn BIEF-tiń bolashaq tóraǵasy retindegi Qazaqstan men atalǵan forým ara­syndaǵy ózara qarym-qaty­nas­tardyń keń aýqymdy máse­le­leri talqylandy. Osy kúni Qazaqstan Úkime­ti­niń basshysy Kárim Másimov Re­seı­diń Búkilálemdik jabaıy tabıǵat qorynyń (WWF) dı­rek­tory Igor Chestınmen kezdesti. Kezdesý barysynda tabı­ǵat­ty qorǵaý salasyndaǵy, sonyń ishinde, Balqash boıynyń aı­ryq­sha tabıǵı áleýetin, ózenderdiń gıdrologııalyq rejimi men Ile-Balqash basseıniniń sý tepe-teńdigin qalpyna keltirý sııaqty ózara baılanystaǵy ekonomı­ka­lyq, áleýmettik jáne ekolo­gııa­lyq problemalardy sheshýge jaǵdaı týǵyzatyn ekologııalyq jobalardy júzege asyrý máse­leleri talqylandy.