Bul keri ketý bolmaı ma?

Fýtboldan Qazaqstan ulttyq quramasy 2012 jyly ótetin Eýropa chempıonatynyń irikteý týrnırinde taǵy da jeńilis tapty. Bul joly bizdiń qurama álemniń úsh dúrkin chempıony, áıgili «nemis máshınesi» degen aty bar Germanııa komandasyna ese jiberdi. Esep – 4:0. Osy jeńilis úshin ulttyq qu­ramanyń jańa bapkeri Mıroslav Beranekti kinálaý áli erte dep oı­laımyz. О́ıtkeni, bul – onyń bas­shylyǵyndaǵy Qazaqstan koman­da­synyń ótkizgen ekinshi kezdesýi. Bul kezdesýde tórt doptyń úsheýi birinshi taımda, bireýi oıynnyń ekinshi jartysynda soǵyldy. Onda Mıroslav Kloze 3 jáne 88 mınótte, Tomas Mıýller eki ret – 25 jáne 43 mınótte dopty Davıd Lorııa qaqpasynda týlatty. Osy oıynda Kloze 3 mınótte óziniń 10 jyldyq sporttyq karerasyn­da­ǵy 60-shy golyn soqsa, Mıýller irikteý týrnırinde óziniń jetinshi dobyn soqty. Matchta nemister D. Lorııa qaqpasyna 14 ret soqqy jasasa, bizdiń qurama Manýel Noıer qaqpasyn 3 ret kózdedi. So­nyń ishinde birinshi soqqyny match­tyń 30 mınótinde Hıjnıchenko­ jasady. Oıynda nemister 7 ret buryshtan dop berse, bizdiń oı­ynshylar 1 ret buryshtama berdi. Sonymen birge, Germanııa 6 ret, Qazaqstan 10 ret tártip buzdy. Oǵan Farhatbek Yrysmetovtiń sa­ry qaǵaz alǵanyn qosyńyz. Osy sa­ry qaǵazdyń kesirinen belgilengen aıyp dopty Mıýllerdiń qaqpaǵa dál kózdegeni belgili. Jalpy, matchta nemisterdiń biz­diń quramany budan da iri eseppen jeńýge múmkindikteri kóp edi. Qu­ramanyń qorǵanystaǵy saýatsyz­dyǵy, jartylaı qorǵaýshylardyń dármensizdigi, shabýylshylardyń ke­ri pas berip oınaýy – osynyń bári alań ıelerine tórt gol soǵýǵa «jaǵdaı jasady». Degenmen, osyn­shama gol jiberip alsa da qura­ma­nyń qaqpashysyna kiná taǵa almaı­myz. Ol matchta qoldan kelgenshe jaqsy óner kórsetti. Sondaı-aq, oıynnyń ekinshi jartysynda Azat Nurǵalıevti almastyrǵan Jambyl Kókeevtiń az da bolsa batyldyq tanytyp oınaǵanyn aıtýǵa bolady. Qazir ulttyq quramanyń osy jeńilisinen keıin komandanyń bo­lashaǵyna qatysty kóp pikirler aıtylýda. Sonyń birin keshe Parlament Májilisinde ótken Úkimet saǵatynda depýtattar aldynda sóı­legen sózinde Týrızm jáne sport mınıstri Temirhan Dosmuhambetov bildiripti. Biz mınıstr myrzanyń ol jerde aıtqan sózin estigen joq­pyz. Degenmen, áriptesterimizden estip-bilgenimizdi aıtatyn bolsaq, minberde turyp mınıstr bolashaqta fýtboldan Qazaqstan quramasyn qaıtadan Azııa qurlyǵyna aýys­tyr­saq degen usynysyn ortaǵa shy­ǵarypty. О́ıtkeni, onyń aıtý­yn­sha, qazir elimizde fýtbol sı­ıaq­ty № 1 sport túrine barynsha kó­ńil bóli­nip, jaǵdaı jasalyp keledi. Ult­tyq quramanyń deńgeıin de jaq­sartýǵa az qarjy bólinip otyr­ǵan joq. Biraq, bólingen qarjy tıisti ná­tı­jesin bermeýde. Osyǵan baı­­­la­nysty mınıstr Qazaqstan ult­­­tyq quramasynyń Eýropadan góri, Azııa qurlyǵynda óner kórse­tý­in qalaı­tynyn, bul áńgime tóńi­reginde ol Ulttyq fýtbol federa­sııanyń prezıdenti Ádilbek Jaq­sy­­bekovpen pikir almasqanyn aıtypty. Iá, Qazaqstan fýtbolynyń deń­geıi tómen. Kezinde sheberligimiz artady dep Eýropany qaladyq. Eger qaıta Azııaǵa aýysatyn bol­saq, bul keri ketý bolyp shyǵady. Odan da fýtboldy órkendetýdiń jolyn izdegen jón bolar. Qas­qyr­dan qoryqqan adam ormanǵa barmas! Dastan KENJALIN.