2011 jylǵy 28 qańtar, Astana qalasy
Paıdaly qazbalardy barlaý men ıgerý jónindegi ortalyq komıssııasy týraly erejeni bekitý týraly
Qazaqstan Respýblıkasy «Jer qoınaýy jáne jer qoınaýyn paıdalaný týraly» Zańynyń 17 babynyń 1) tarmaqshasyna sáıkes, buıyramyn:
1. Qosa berilip otyrǵan barlaý jáne ıgerý jónindegi ortalyq komıssııasy týraly ereje bekitilsin.
2. Qazaqstan Respýblıkasy Indýstrııa jáne jańa tehnologııalar mınıstrliginiń Jer qoınaýyn paıdalaný departamentiniń zańnamamen belgilengen tártipte osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń sodan keıin buqaralyq aqparat quraldarynda resmı jarııalanýyn qamtamasyz etsin.
3. Osy buıryq alǵash ret jarııalanǵan kúninen bastap on kúntizbelik kún ótkennen keıin qoldanysqa engiziledi.
Qazaqstan Respýblıkasy Premer-Mınıstriniń orynbasary-Qazaqstan Respýblıkasy Indýstrııa jáne jańa tehnologııalar mınıstri Á.ISEKEShEV.
___________________________
Qazaqstan Respýblıkasy Premer-Mınıstriniń orynbasary-Indýstrııa jáne jańa tehnologııalar mınıstriniń 2011 jylǵy 28 qańtardaǵy №17 buıryǵymen bekitildi
Paıdaly qazbalardy barlaý jáne ıgerý jónindegi ortalyq komıssııa týraly ereje
1. Jalpy erejeler
1. Osy Paıdaly qazbalardy barlaý jáne ıgerý jónindegi ortalyq komıssııa týraly ereje (budan ári – Ereje) Paıdaly qazbalardy barlaý jáne ıgerý jónindegi ortalyq komıssııanyń (budan ári – BIOK) mindetterin, qyzmetterin, quqyqtaryn, qatty paıdaly qazbalardy, jerasty sýlaryn jáne emdik balshyqtar ken oryndaryn izdestirý, baǵalaý jáne ıgerý jónindegi materıaldardy jáne qujattardy jınaý men saqtaý tártibin aıqyndaıdy.
2. BIOK qatty paıdaly qazbalardy, jerasty sýlaryn jáne emdik balshyqtar ken oryndaryn izdestirý, baǵalaý jáne ıgerý jónindegi jobalyq qujattardy qaraý maqsatynda qurylǵan alqalyq, konsýltatıvtik-keńesshi organ bolyp tabylady.
BIOK óz qyzmetin Qazaqstan Respýblıkasynyń Konstıtýsııasyna, zańdaryna, Qazaqstan Respýblıkasynyń Prezıdenti men Úkimetiniń aktilerine, ózge de normatıvtik-quqyqtyq aktilerge jáne Erejege sáıkes júzege asyrady.
3. BIOK quramyn Qazaqstan Respýblıkasynyń Indýstrııa jáne jańa tehnologııalar mınıstrliginiń birinshi basshysy bekitedi. BIOK quramyna múddeli memlekettik organdardyń ókilderi jáne kelisim boıynsha ǵylymı-zertteý jáne jobalaý uıymdarynyń ókilderi, sondaı-aq taý-ken óndirý jáne óńdeý salasyndaǵy tájirıbeli mamandar kiredi.
4. BIOK-ty tóraǵa, al ol bolmaǵan kezde tóraǵanyń orynbasary basqarady.
5. BIOK qyzmetin uıymdastyrýdy, is júrgizýdi, BIOK materıaldary men qujattaryn jınaý men saqtaýdy júzege asyratyn BIOK-tyń jumys organy Qazaqstan Respýblıkasy Indýstrııa jáne jańa tehnologııalar mınıstrliginiń Jer qoınaýyn paıdalaný departamenti bolyp tabylady.
Erejede qoldanylǵan termınder 2010 jylǵy 24 maýsymdaǵy «Jer qoınaýy jáne jer qoınaýyn paıdalaný týraly» Qazaqstan Respýblıkasynyń Zańymen aıqyndalǵan maǵynada paıdalanylady.
2. BIOK mindeti men fýnksııalary
6. BIOK-tyń negizgi mindeti qatty paıdaly qazbalardy, jerasty sýlaryn jáne emdik balshyqtar ken oryndaryn barlaý jáne ıgerýdiń anaǵurlym tıimdi ádisterin qoldanýdy qamtamasyz etý bolyp tabylady.
7. BIOK mynadaı fýnksııalardy júzege asyrady:
1) qatty paıdaly qazbalardy, jerasty sýlaryn jáne emdik balshyqtar ken oryndaryn barlaý jáne ıgerý jónindegi jer qoınaýyn paıdalanýshylar usynatyn jobalaý qujattaryn, olarǵa tolyqtyrýlar men ózgeristerdi bekitý ne bekitýden bas tartý jónindegi usynystardy qaraıdy jáne jer qoınaýyn zertteý jáne paıdalaný jónindegi ýákiletti organǵa engizedi;
2) jer qoınaýyn zertteý jáne paıdalaný jónindegi ýákiletti organǵa qatty paıdaly qazbalardy, jerasty sýlaryn jáne emdik balshyqtar ken oryndaryn baǵalaý jáne tájirıbelik-ónerkásip óndirý júrgizý merzimderin uzartý týraly usynystar jiberedi;
3) jer qoınaýyn zertteý jáne paıdalaný jónindegi ýákiletti organǵa jobalaý uıymdary men jer qoınaýyn paıdalanýshylar úshin, qatty paıdaly qazbalardy, jerasty sýlaryn jáne emdik balshyqtar ken oryndaryn tıimdi jáne keshendi paıdalanýdy arttyrý boıynsha usynymdardy jiberedi;
4) jobalaý qujattarda qatty paıdaly qazbalardy, jerasty sýlaryn jáne emdik balshyqtar kenoryndaryn barlaý jáne ıgerýdiń anaǵurlym tıimdi ádisteri men tehnologııalaryn qoldanýdy qamtamasyz etedi;
5) ǵylymı-zertteý, jobalaý uıymdary men jer qoınaýyn paıdalanýshylardyń jer qoınaýyn paıdalaný, qatty paıdaly qazbalardy, jerasty sýlaryn jáne emdik balshyqtardy naqty esepke alý, utymdy ári keshendi paıdalaný máseleleri jónindegi ázirlemelerdi qaraıdy.
6) ǵylymı-zertteý, jobalaý uıymdarynan jáne jer qoınaýyn paıdalanýshylardan jer qoınaýyn paıdalaný, qatty paıdaly qazbalardy, jerasty sýlaryn jáne emdik balshyqtardy tıimdi ári keshendi paıdalaný máseleleri boıynsha anyqtamalyq jáne basqa da materıaldardy suraıdy;
7) jer qoınaýyn zertteý jáne paıdalaný jónindegi ýákiletti organǵa usynylatyn jobalaý qujattaryna jer qoınaýyn paıdalanýshylardyń óz quzyreti sheginde ǵylymı-zertteý uıymdary men memlekettik organdarda qosymsha saraptamalar júrgizý qajettigi týraly usynymdar jiberedi;
8) jobalaý uıymdary men jer qoınaýyn paıdalanýshylarǵa ǵylymı-zertteý, jobalaý uıymdarynyń jáne jer qoınaýyn paıdalanýshylardyń jer qoınaýyn paıdalaný, qatty paıdaly qazbalardy, jerasty sýlaryn jáne emdik balshyqtardy naqty esepke alý, utymdy ári keshendi paıdalaný máseleleri boıynsha jańa nysandar men ádister qoldanýdy usynýǵa quqyly.
3. BIOK-ta materıaldardy qaraý tártibi
8. Jer qoınaýyn paıdalanýshy BIOK-qa 3 (úsh) danada qaǵaz jáne 10 (on) danada elektrondyq tasyǵyshtarda jobalyq qujattardy, túsiniktemeni, sondaı-aq Erejesiniń qosymshasyna sáıkes ótinishin jiberedi.
9. BIOK-ke mynadaı jobalyq qujattar:
1) izdestirý, baǵalaý jáne tájirıbelik-ónerkásiptik óndirý jumystarynyń jobalary:
memlekettik ekologııalyq;
ónerkásiptik qaýipsizdik salasyndaǵy;
sanıtarlyq-epıdemıologııalyq mindetti saraptamalarymen;
2) ónerkásiptik ázirlemeler jobalary:
memlekettik-ekologııalyq;
ónerkásiptik qaýipsizdik salasyndaǵy;
sanıtarlyq-epıdemıologııalyq;
jer qoınaýyn utymdy ári keshendi paıdalaný salasyndaǵy mindetti saraptamalarymen usynylady.
Tehnıkalyq-ekonomıkalyq negizdeme mindetti túrde ekonomıkalyq saraptaýǵa jatady.
10. Osy Erejeniń 9-tarmaǵynyń 1) tarmaqshasynda kórsetilgen saraptamalarmen izdeý, baǵalaý jáne tájirıbelik-ónerkásiptik óndirý jumystarynyń jobalary BIOK-ta jobanyń kelip túsken kúninen bastap 30 (otyz) jumys kúni ishinde qaralady.
11. BIOK osy Erejeniń 9-tarmaǵynyń 1) tarmaqshasynda kórsetilgen saraptamalarmen izdeý, baǵalaý jáne tájirıbelik-ónerkásiptik óndirý jumystary jobalaryna ózgerister jáne (nemese) tolyqtyrýlar jobasyn túsken kúninen bastap 30 (otyz) jumys kúni ishinde qaraıdy.
12. Erejeniń 9-tarmaǵynyń 2) tarmaqshasynda kórsetilgen saraptamalarmen ónerkásiptik ázirlemeler jobasy kelip túsken kúnnen bastap 30 (otyz) jumys kúni ishinde BIOK-ta qaralady.
13. BIOK osy Erejeniń 9-tarmaǵynyń 2) tarmaqshasynda kórsetilgen saraptamalarmen ónerkásiptik ázirlemeler jobasyna ózgerister jáne (nemese) tolyqtyrýlar jobasyn BIOK–qa kelip túsken kúnnen bastap 30 (otyz) jumys kúni ishinde qaraıdy.
14. BIOK-tyń jumys organy jobalyq qujattar túskennen soń jer qoınaýyn paıdalanýshyǵa táýelsiz saraptama ótý qajettiligi týraly habarlama jiberedi.
Jer qoınaýyn paıdalanýshy BIOK aıqyndaǵan sarapshylar quramynan jobalyq qujattardy táýelsiz saraptamadan ótkizý úshin óz erkimen sarapshy tańdaıdy.
15. Jobalyq qujattamaǵa táýelsiz saraptama usyný úshin BIOK belgilegen merzim táýelsiz sarapshyǵa onyń túsken kúninen bastap 20 (jıyrma) jumys kúnin quraıdy.
16. Táýelsiz saraptamanyń qorytyndysy usynymdyq sıpatta bolady jáne qujattama jobalarynyń mindetti qosymshasy bolyp tabylady.
О́ndirý jumystaryn júrgizýge arnalǵan jobalaý qujattamalary boıynsha táýelsiz saraptamanyń qorytyndysy jer qoınaýyn utymdy jáne keshendi paıdalaný salasyndaǵy saraptaýdy qamtýy tıis.
Táýelsiz sarapshyny tartý azamattyq Qazaqstan Respýblıkasynyń zańnamasyna sáıkes jer qoınaýyn paıdalanýshymen shart negizinde júzege asyrylady.
17. Jobalyq qujattarǵa táýelsiz saraptama júrgizý shyǵyndary jer qoınaýyn paıdalaný operasııalaryn júrgizý shyǵyndarynyń quramyna kiredi.
18. Saraptamalyq qorytyndy alynǵannan keıin BIOK usynylǵan jobalyq qujattardy qaraıdy.
19. BIOK usynystary hattamamen rásimdeledi. BIOK otyrysynyń hattamasyn resimdeýdi BIOK hatshysy júzege asyrady. BIOK otyrysynyń hattamasyna BIOK-tyń májiliske qatysqan barlyq músheleri qol qoıady.
20. BIOK usynystary sheshim qabyldaý úshin jer qoınaýyn zertteý jáne paıdalaný jónindegi ýákiletti organǵa joldanady.
21. BIOK óz quzyretine jatqyzylǵan máselelerdi qaraý merzimderi 5 (bes) aıdan aspaýǵa tıis.
22. BIOK usynystary otyrysqa qatysyp otyrǵan músheleriniń kópshilik daýysymen qabyldanady. Daýys berý teń bolǵan jaǵdaıda tóraǵalyq etýshiniń daýysy sheshýshi bolyp tabylady.
23. BIOK májilisteri eger oǵan BIOK músheleri jalpy sanynyń keminde úshten ekisi qatyssa, zańdy dep sanalady.
BIOK músheleri ózderiniń qyzmetterine aýystyrylý quqyǵynsyz qatysady.
4. BIOK qyzmetiniń toqtatylýy
24. BIOK Qazaqstan Respýblıkasynyń Indýstrııa jáne jańa tehnologııalar mınıstrliginiń buıryǵy negizinde óz qyzmetin toqtatady.
Paıdaly qazbalardy barlaý jáne ıgerý jónindegi ortalyq komıssııa týraly erejege qosymsha
Nysany
Paıdaly qazbalardy barlaý jáne ıgerý jónindegi ortalyq komıssııaǵa
________________________________________________________________
(jobalyq qujattyń ataýy)
jobalyq qujatty qaraýǵa arnalǵan ótinish
1. Jer qoınaýyn paıdalanýshy_______________________________________(Aty-jóni, zańdy tulǵanyń ataýy)
2. Lısenzııa, serııasy, № ____________________________________ berilgen (Obektiler, qoldaný merzimi)
Berilgen kúni ______________________________________________________
Berilgen maqsaty________________________________________________(ıgerý, barlaý jáne ıgerýdi qosa atqarý)
3. Jer qoınaýyn paıdalanýǵa____________________________ (quzyretti organ jáne jer qoınaýyn paıdalanýshy)
_______arasynda bekitilgen ______________________________kelisimshart.
(kúni)
Memlekettik tirkeý aktiniń №__________, Kúni___________________________
4. Jobalyq qujatty ázirleýshi-uıymnyń ataýy___________________________
Jobalyq jumysty júrgizý quqyǵyna beriletin Lısenzııanyń (sertıfıkattyń) nómiri, kúni jáne merzimi___________________________________________________________________________________________________
О́tinishke jobalyq qujattyń 3 (úsh) danasy qosa beriledi.
Jobalyq qujatty usynatyn kásiporyn basshysynyń aty-jóni jáne qoly
M.O.
Buıryq Qazaqstan Respýblıkasynyń Ádilet mınıstrliginde 2011 jylǵy 22 aqpanda Normatıvtik- quqyqtyq kesimderdi memlekettik tirkeýdiń tizilimine №6784 bolyp engizildi.