Tıimdiligi joǵary preparat

Nanotehnologııaǵa negizdelgen «Bıoplant-Flora» organı­ka­lyq-mıneraldy tyńaıt­qy­shy­nyń tıimdiligi jaıly sol­tústikqazaqstandyq dıqandar endi-endi bilip jatyr. Osy attas zaýyttyń qurylysy  Qy­zyl­jar óńirinde qolǵa alyn­ǵanda alabóten qýanǵan-dy. Zaýyttyń birinshi kezegin iske qosý jazǵa  belgilengen. Oǵan deıin  edáýir ýaqyt bar. Eginshiler preparattyń Jambyl aýdany «Agrotehnıka» JShS-nyń egis alqaptarynda sy­na­q­tan ótip, mol ónim bergenin estigennen keıin tájirıbelik úl­gide qoldanýdy jón kórdi. Oblys ákimi Serik Bilálov olar­dyń ótinish-tilekterin eskerip, Re­seı­diń  «Bıoplant-Flora» kom­pa­nııasy basshylaryna usy­nyspen shyqty. Reseılikter  kóp kút­tirgen joq.  Túrli ádis­te­me­lik quraldaryn, preparattyń shyny qutydaǵy úlgilerin qosa ala keldi. Aýdan ákimderi men iri agro­qurylym basshylary  qatysqan jıynda organıkalyq-mıneral­dyq tyńaıtqyshtyń ekonomı­kalyq jáne ekologııalyq orasan paıdasyn alǵa tartqan kompanııa prezıdenti Akop Azarıan  qol­dan kelgen kómekterin aıamaı­tyn­daryn, úsh myń tonnaǵa deıin bosata alatyndaryn jetkizdi. Onyń  aıtýynsha,  pre­parat­tyń qoldaný ádisi óte qara­paıym, al tıimdiligi óte jo­ǵa­ry. Burynnan qalyp­tas­qan eginshilik mádenıetin saq­taı oty­ryp sińirýge bolady. Ba­lýyzǵa áseri mol. As­tyqtyń pisý merzimin birshama qys­qar­ta alady. Eń bastysy, baǵasy qymbat ýly hımı­kattardy qoldaný barynsha azaıady. Osylaısha astyqty al­qap­ta  kóktemgi dala jumystary óz­geshe jańalyqpen bastal­ǵaly otyr. О́mir ESQALI. Soltústik Qazaqstan oblysy.