Júrgen jerinde izi qalǵan

Qazaqstan Respýblıkasy prezıdenttigine kandıdat, «Tabıǵat» ekologııalyq odaǵynyń tóraǵasy Mels Hamzauly Eleýsizovtiń jaqynda ózimen buryn qyzmettes bolǵan Almaty birikken avıaotrıadynyń bortserikterimen kezdesýi óte bir jyly shyraıly jaǵdaıda ótip, oǵan qatysqandarǵa da umytylmastaı áser qaldyrdy. Qarap tursańyz, oǵan da qy­ryq jyldan astam ýaqyt ótken eken. Talaı adamnyń jadynan da shyǵyp ketetin ýaqyt qoı. Bul mektep bitirgen soń onyń áskerge baryp, onda eki jyl qyzmet etkennen keıin, 20 ja­synda alǵash ret eńbekke ara­la­sýy edi. Bortserik. Qazaq balalary bara qoımaıtyn jumys. Jas­taıynan áldebir jańalyqqa ja­qyn júretin Melstiń roman­tı­ka­synan da týǵan shyǵar. Jerde emes, kókte júrý – jastyqtyń armany. Almaty birikken avıa­otrıadynda sol jumysty úsh jyl atqardy. Jaqsy atqardy. Oǵan jurt kýá. Ony qyryq jyl ótken soń da umytpapty. – TÝ-154 ushaǵynda qyzmet istedik. О́ńkeı qyzdardyń ara­syndaǵy jalǵyz jigit Mels Ham­zauly osyndaǵy aýyrlaý jumysty atqaratyn. Sol úshin ony barlyǵymyz jaqsy kórdik, syıladyq, – dep eske alady Lıýdmıla Reznıchenko. – Sonan soń ol búkil birikken avıaotrıad jastaryna jetekshilik etti. Jalyndaǵan jas jigit bizdiń bári­mizdiń esimizde qaldy. Mine, arada qyryq jyl ótken soń úsh jyl birge qyzmet etken áriptesterimmen kezdeskende, prezıdenttikten úmit­ker­diń olardyń aýzynan ózi jaıly talaı jyly lebizderdi estýi, árıne, qýanyshty ári tebirentpeı qoımaıdy. Qyryq jyl ótken soń  umytpaý da biraz jaıdy ańǵar­ta­dy. Keıbireýlerdiń tez umy­ty­latyny da bar. Al isimen, minezimen kózge túsken azamatty jurt umytpaıdy eken. Umyt­paǵany óz aldyna, sol sulý bıkeshter – bortserik qyz-ke­lin­shekter onyń keıingi ómirin de qadaǵalap otyrypty. – Biz seni bilemiz, saılaý kúni saǵan daýys beremiz,– desti olar jastyq kezdegi dostaryn ortaǵa alyp. О́ziniń qyryq jylǵy eńbek jolynda Mels Hamzauly biraz jerde eńbek etti. Sonda bir jerde kóp turaqtamaǵan ba degen de oı kelýi múmkin-aý. Áste de olaı emes. Ol – zatynda jany ja­ńalyqqa qumar adam. Kóp nár­seni kórgisi keledi, bilgisi keledi. Az ýaqyt jumys istegen jerinde de osynaý ańqyldaǵan aq­kóńil adam jurttyń esinde qalatyny bar. Búgin barsań da birge jumys istegender ol jaı­ynda jyly estelikterdi aldyńa tosady. Jıyrma bestiń qylshyl­da­ǵan jasynda ol eki jyl Almaty qalasynyń Oktıabr aýdanynda jedel komsomol otrıadynyń komandıri boldy. Sonan soń bes jyldaı Almaty temir jo­ly­nyń baılanys dıstansııasynda jumys istedi. Eki jyldaı «Zerger» birlestigi bas dırek­to­rynyń orynbasary qyzmetin atqardy. «Gazgıprovodhoz» ıns­tıtýtynda dırektordyń oryn­basary bolyp bes jyl jumys istegende de sol mekemede onyń qaldyrǵan izi saırap jatyr. Ondaǵy adamdar osy bir sózi men isi qatar júretin azamat jaıynda jyr aıtqandaı áńgime aıtady. Odan keıingi jıyrma jyl­dan asa ýaqyt týǵan tabıǵattyń janashyry qyzmetine arnalǵan. 1989 jyldyń sońynda ol Qa­zaq­stan assosıasııalary men ká­siporyndary ekologııalyq oda­ǵy­nyń tóraǵasyna taǵaıyn­dal­sa, búginge deıin sol orynda. Ony bul orynnan aýystyrýǵa bolmaıtyndaı kórinedi. Jurt ony «Respýblıkanyń bas eko­logy», «Halyq ekology» ataı­dy. Sol tabıǵat úshin talaımen talasady, talaımen aıtysady. Keıde munyń bireýlerge jaq­paıtyny da bar. Al ekolog Eleý­sizov munyń týǵan tabıǵatqa jaǵatynyn biledi. Biledi de alǵan betinen qaıtpaıdy. Qoǵamdyq isin aıtpasań, Mels Hamzaulynyń kelbeti ju­tań tartar edi. Qazaqstan demo­kratııalyq kúshteri forýmynyń teń tóraǵasy, Úkimet janyn­daǵy týrızmdi damytý keńesiniń múshesi, Parlament Májilisi Qoǵamdyq palatasynyń múshesi, Premer-Mınıstrdiń shtattan tys keńesshisi. 2005 jyly da óz kandıdatýrasyn el prezıdenttigine usynǵan... Sonyń bárine qalaı úlgeredi deısiń. Jaqsy isterde onyń izi saırap jatyr. Mamadııar JAQYP. Almaty.