Júz joldyq jańalyqtar

Tennıs. Osy kúnderi tennısten Qy­taı­da ótip jatqan ITF Kumming ha­lyq­aralyq týrnırinde qazaqstandyq Zarına Dıas fınalǵa joldama aldy. Jar­tylaı fı­nalda ol ındonezııalyq Aıa-Fanı Damaıantıdi úsh sette – 3:6, 6:0, 6:3 esebimen jeńdi. Qazir Zarına WTA reıtınginde 153 oryndy ıelenip otyr. Eger osy týrnırde jeńiske jetse Zarına 25 000 AQSh dol­laryna ıe bolady. Al AQSh-tyń Maıamı qalasynda erler jáne áıelder arasynda ótip jatqan taǵy bir týrnırde Mıhaıl Kýkýshkın men Iаroslava Shvedova jekeleı synda kelesi aınalymǵa shyqty. Alǵashqy aınalymda Kýkýshkın fın Iаrkko Nıemınenany jeńse, Shvedova ıtalııalyq Sara Erranıden basym tústi. Osy týrnırge qatysqan Andreı Golýbev alǵashqy aınalymda horvat Ivan Dodıgýden jeńilip qaldy. О́kinishke qaraı, Golýbevtiń jolyn taǵy «Chellendjer» serııasy boıynsha Marokkonyń Marakeshe qalasynda ótip jatqan Morocco Tennis Tour týrnırine qatysqan Evgenıı Korolev pen Iýrıı Shýkın qaıtalady. Olar ekinshi aınalymda qarsylas­taryna ese jiberdi. Konkı. Astanadaǵy «Alaý» sport saraıynda klassıkalyq jáne sprınttik konkı tebýden el chempıonaty aıaqtaldy. Jarysta klassıkalyq kópsaıystaǵy tórt qashyqtyqtyń qorytyndysy boıynsha áıelder arasynda birinshi oryndy Olga Jıgına (Astana), ekinshi jáne úshinshi oryndy Elena Ýrvanseva (Petropavl) men Marına Ivanova (Qar­a­ǵan­dy) ıelendi. Al erler arasynda bas júldeni Artem Beloýsov (Astana), ekinshi oryndy Maksım Baklashkın (Astana), úshinshi oryndy Fedor Mezensev (Almaty) jeńip aldy. Osy synda Petropavl qalasynyń týmasy, ulttyq quramanyń múshesi Roman Krech 500 metrlik qashyqtyqty 35,50 sekóntte júgirip, Qazaqstan rekordyn jańartty. Ol buǵan deıin byltyr Vankýver Olımpıadasynyń aldynda Kalgarı qalasynda ótken ISU Time Trials týrnırinde rekord jasap, kúmis júldege ıe bolǵan edi. Biraq ol kezdegi rekord bıik taýly muz aıdynynda jasalsa, bul joly ol ja­san­dy muz aıdynynda júzege asyrylyp otyr. Dzıýdo. Kelesi jyly elimizde dzıýdodan «Úlken dýlyǵa» aıasyndaǵy iri ha­lyq­ara­lyq týrnırdiń biri ótetin bola­dy. Mun­daı sheshim Halyqaralyq dzıýdo fede­ra­sııa­­sy­­nyń keńeıtilgen májili­sin­de qabyl­dandy. «Úlken dýlyǵa» aıasyndaǵy alǵashqy týrnır 2009 jyly Ońtústik Koreıanyń Sývon qalasynda ótken bolatyn. Odan keıin týrnır Ázirbaıjannyń Baký qalasynda uıymdas­tyrylǵan. Endi úshinshi týrnır kelesi jyl­dyń qańtar aıynda Almatyda ótpekshi. Osy týrnırde jeńimpaz atanǵan sport­shyǵa Olımpıada joldamasymen birge, 200 000 AQSh dollary tabys etiledi. «Egemen-aqparat».