Saılaý óter kún jaqyndaǵan saıyn úmitkerlerdiń qaı-qaısysy da saılaýshylarmen aradaǵy baılanystaryn údete túsýde.
Naýryzdyń 28-inen bastap, «Qazaqstannyń patrıottar partııasy» qoǵamdyq birlestigi usynǵan Ǵanı Qasymovty qoldaýshylar Astana qalasynda úmitkerdiń tuǵyrnamalyq baǵdarlamasy men beınesi bar plakattardy kóshelerdiń kórneki jerlerine ile bastady.
Onda úmitkerdiń áleýmettik baǵdarlamalarǵa ózgerister engizýine basymdyqtar berilgen. Úmitker múgedektikke baılanysty aılyq járdemaqy men memlekettik járdemaqyny, zeınetaqy mólsherin ulǵaıtýdy kózdeıdi. Turmysy tómen jandardy tegin medısınalyq kómekpen, al jastardy tym qymbat emes sapaly turǵyn úılermen qamtamasyz etýdi óz tuǵyrnamasynda kórsetken. «Biz osy úmitker usynǵan ózgeristerdi jaqtap daýystarymyzdy bermekpiz», deıdi Ǵanı Qasymovtyń saılaýaldy shtabyndaǵylar.
Búginge deıin Qasymovty qoldaýshylar kóptegen aksııalar ótkizip úlgerdi. Olardyń ishinde korrýpsııaǵa qarsy, azamattardyń quqyqtaryn qorǵaý, ardagerlermen kezdesýler, qala kóshelerinde turǵyndarmen áńgimelerdiń ótýi úmitker baǵdarlamasymen halyqty tanystyrýǵa jol ashty.
Anar TО́LEÝHANQYZY.