Memleket basshysy Nursultan Nazarbaev Ekonomıkalyq jáne sybaılas jemqorlyqpen kúres agenttiginiń tóraǵasy Qaırat Qojamjarovty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Q.Qojamjarov Prezıdentke qarjy polısııasynyń aǵymdaǵy qyzmeti týraly baıandady.
Kezdesý barysynda Nursultan Nazarbaev jemqorlyqpen kúres – bul qarjy polısııasynyń negizgi mindeti ekenin atap ótti. Osy baǵyttaǵy jumysty edáýir jandandyrý qajet.
Memleket basshysy Qazaqstannyń mindeti jemqorlyq deńgeıi anaǵurlym tómen memleketter qataryna ený ekenin atap ótti. Qarjy polısııasy agenttigi shaǵyn jáne orta bıznestiń isine aralaspaýy tıis. Osyǵan baılanysty shaǵyn jáne orta kásipkerlik sýbektileriniń quqyǵyn qorǵaý jónindegi sharany kúsheıtý qajet.
Kezdesý barysynda sondaı-aq negizgi mindeti halyq arasynda quqyqtyq saýattylyqty arttyrý, sondaı-aq azamattardyń quqyq qorǵaý jáne ózge memlekettik organdardyń qyzmetine senimin nyǵaıtý bolyp tabylatyn, Úkimet bekitken 2015 jylǵa deıingi Sybaılas jemqorlyqqa qarsy kúres jónindegi salalyq baǵdarlama týraly áńgime qozǵaldy.
Memleket basshysy qarjy polısııasy organyna sybaılas jemqorlyqqa qarsy kúresti kúsheıtýdi, kóleńkeli ekonomıkany beıtaraptandyrý jóninde odan ári sharalar qabyldaýdy, sondaı-aq ekonomıkalyq saladaǵy qylmys túrlerin yryqtandyrý jáne izgilendirý týraly usynys engizýdi tapsyrdy.