Myqtylardyń qataryna qosyldyq

Ýkraınanyń Kıev qalasynda shaıbaly hokkeıden erler arasyndaǵy álem chempıonatynyń birinshi dıvı­zıo­nyn­da óner kórsetken komandalardyń oıyndary aıaqtaldy. Sońǵy oıyndary senbi kúni ótken jarysta Qazaqstan qurama­sy birinshi oryndy jeńip aldy. Osy kúni Qazaqstan hokkeıshileri Kıevtiń muz aıdynynda Ýkraına quramasymen kezdesip, jalǵyz jol­damanyń máselesin sheshti. Sóı­tip, 3:2 esebimen bizdiń paıda­myzǵa sheshilgen matchta Andreı Homýtovtyń jigitteri 2012 jyly Shvesııa men Fınlıandııada ótetin álem chempıonatynyń top-dıvı­zıonyna beriletin jalqy jolda­ma­ǵa ıe boldy. Jalpy, bıylǵy chempıonatta komandamyz tek múmkin bolǵan barlyq upaıdy jınap, jalǵyz joldamany jeńip alý úshin ǵana óner kórsetkenin atap ótken jón. Ulttyq qurama Kıevke kelmes buryn áýeli Slovakııada daıyn­dalyp, sol jerde osy eldiń qo­man­dasymen joldastyq kezdesý ótkizdi. Osy kezdesýde Homýtov­tyń jigitteri alań ıelerine ba­symdyq tanytyp, álem chempıo­natyna zor qulshynyspen attan­dy. Ýkraınaǵa kelgende ulttyq quramanyń qatary taǵy birneshe oıynshylarmen tolyqty. Koman­damyzǵa Reseıde oınaıtyn Vıtalıı Kolesnık, Dmıtrıı Ýpper men Maksım Semenov qosyldy. Bizdiń qurama alǵashqy kezdesýin Estonııa quramasyna qarsy ót­kizdi. Bul matchtaǵy esep 5:1 bolyp bizdiń paıdamyzǵa sheshilgenimen, muz aıdynyndaǵy tar­tys óte shıelenisti jaǵdaıda ótti. Kelesi kezdesýin Qazaqstan hokkeıshileri Ulybrıtanııa qura­masymen ótkizip, ony da 2:1 esebimen jeńdi. Biraq bul jolǵy jeńis ulttyq quramaǵa ońaılyqpen kelmedi. Osy oıynnyń aldynda brı­t­andyqtar alań ıelerin jeńip, birshama sensasııa týǵyzǵan edi. Keıin bilsek, Ulybrıtanııa sa­pynda Kanadanyń hokkeıshileri oınaıtyn bolyp shyqty. Degenmen, Qurlyqtyq hokkeı lıga­syn­da shyńdalyp, tájirıbe jı­naq­taǵan bizdiń oıynshylar Ulybrı­tanııamen ótken kezdesýde jeńiske jete bildi. Brıtandyqtar muz aı­dynynda ońaı shaǵylatyn jańǵaq bolmasa da matchtan keıin ótken baspasóz máslıhatynda qarsylas­tardyń bas bapkeri Qazaqstan quramasynyń myqtylyq tanyt­qanyn moıyndady. Qazaqstan quramasy óziniń úshinshi oıynyn taǵy bir Baltyq jaǵalaýy eline qarsy ótkizdi. Lıtva komandasy bizdiń jigittermen kezdesý aldynda Polshadan 5:1 esebimen utylǵan bolatyn. Sondyqtan Qazaqstan qurama­syna lıtvandardy iri eseppen jeńý qıynǵa soqpady. Osy kezdesýde Andreı Homýtovtyń shákirt­teri baryn salyp, «erinbegen» oıynshylardyń bári bir-bir shaı­banyń avtory atandy dese bolady. Bul oıynda Talǵat Jaılaýov pen Evgenıı Býmagın eki ret, Konstantın Romanov, Roman Starchenko jáne Maksım Hýdıakov bir-birden shaıba soqty. Odan keıin bizdiń quramanyń Polsha men Ýkraına komanda­laryna qarsy ótkizgen oıyndary qyzyqty jáne tartysty ótti. Polshamen oıynda ulttyq qura­ma bas bapkerine qarsylastaryn 4:2 esebimen jeńip, 50 jyldyq mereıtoıyna syı jasady. Matchta Maksım Belıaev, Roman Savchenko, Konstantın Pýshkarev pen Maksım Semenov qarsylastar qaqpasynda shaıba týlatty. Qazaqstan quramasynyń Ýkraı­naǵa qarsy ótkizgen sońǵy kezdesýinde kelesi jyly ótetin álem chempıonatynyń top-dıvı­zıonyna beriletin jalǵyz jolda­manyń taǵ­dyry sheshilgenin jo­ǵaryda aıt­tyq. Barlyq kezeńderi shıelenisti jaǵ­daıda ótken match­tyń negizgi ýa­qyty teń bolyp aıaqtaldy. Qazaqstan quramasy úshin osy teń oıyn da jetkilikti edi. Biraq overtaımda Fedor Po­lıshýktiń soqqan shaıbasy Qazaq­stan quramasyna jeńis ákeldi – 14 upaı. Uly­brı­tanııa 12 upa­ıymen 2-shi, Ýkraına 10 upaıy­men úshinshi oryndy qana­ǵat tutty. Álem chempıonatynyń so­ńyn­­da ulttyq quramanyń osyn­daı jeńiske degen jigerligin, jalǵyz joldamany ıelenýge degen zor qulshynysyn eskergen jarystyń dırektoraty koman­da­nyń oıyn­shysy Roman Sav­chenkony chem­pıonattyń úzdik qorǵaýshysy ataǵyna laıyq dep sheshti. Sol sııaqty ýkraınalyq Oleksandr Materýhın úzdik shabýylshy atansa, brıtandyq Stefan Merfı úzdik qaqpashy bolyp tanyldy. Dastan KENJALIN. Sýrette: Qazaqstan ulttyq quramasy.