Keshe...

...SENATORLAR MAQATQA KELDI Aýyldaǵy turǵynnyń bári birdeı elimizde qabyldanyp jat­qan zańdarmen jete tanys emes. Osy másele Májilis ne Senat depýtattarynyń óńir­ler­degi kezdesýinde keńirek eskerilse deı­siń. Aıtqandaı, keshe Senattyń Bıýdjet jáne qar­jy komıtetiniń tóraǵasy Qaırat Ishanov pen senator Sár­senbaı Eńsegenov Ma­qat aýdanyna arnaıy atbasyn bur­­dy. Aýdan jurtshylyǵymen kez­desýde senatorlar elimizdegi zań shyǵarý máselesine, ási­rese, sybaılas jemqorlyqpen kúres­tiń pár­men­diligi art­qa­ny­na toq­tal­dy. Al aýdan ákimi Qılym­ǵalı Qaı­ne­nov qolǵa alynǵan ju­mys­tar­dyń bary­syna sholý jasady. Sybaılas jemqorlyqpen kú­­­res búkil qoǵamdy alań­dat­sa, aýdan turǵyndaryn osyn­da­ǵy avtokólik joldarynyń jóndel­meýi, sondaı-aq, ju­mys­syzdyq má­selesiniń túp­kilikti sheshim tappaǵany tolǵandyrady. Joldasbek ShО́PEǴUL. Atyraý oblysy. * * * ...QARTTARǴA QAMQORLYQ KО́RSETILDI Qyzylorda qalasyndaǵy «Zeı­­netkerler men múge­dek­ter­ge arnalǵan áleýmettik qyz­met kórsetý ortalyǵy» jany­nan 10 oryndyq jáne «Qart­tar men múgedekterge arnalǵan ınter­nat-úıi» janynan 40 oryndyq kún­dizgi bólim ashyl­dy. Atal­mysh sharanyń ashylý salta­na­ty­na oblys ákiminiń mindetin at­qa­rý­shy Madııar Aldońǵarov, ob­lys­tyq jáne qalalyq ardagerler keńesiniń tóraǵalary S.Shaýhamanov pen A.Ábildaev qatysty. «Qarttar men múgedekterge arnalǵan ınternat-úıi» osyǵan deıin 180 adamǵa qyzmet kór­se­tip kelgen. Endi bul qatarǵa 40 adam qosylatyn boldy. Ol úshin arnaıy 8,7 mıllıon teń­ge bóli­nip, 4,5 shtat qarasty­ryl­ǵan. Al qalalyq osyndaı mekeme jany­nan 10 adamǵa qosymsha oryn ashyldy. Oǵan 1,9 mıllıon teńge bólindi. Osy­ǵan sáıkes jumysqa qosymsha adam alyndy. Erjan BAITILES. Qyzylorda oblysy. * * * ...BIRLESIP JUMYS JASAÝǴA BEIIL TANYTTY Ońtústikke Polsha Res­pýb­lıkasynyń Almaty qala­syn­daǵy bas konsýly jáne ókiletti elshisi Veslav Osýhovskı bastaǵan delegasııa resmı saparmen keldi. OQO ákiminiń birinshi orynbasary Berik Os­panovtyń qabyldaýynda bol­ǵan elshi Polshanyń Ońtústik Qazaqstan oblysymen iskerlik baılanys ornatýǵa múmkin­dik­teri mol ekendigin aıtty. Eki taraptyń eki jaqqa da paıdaly áńgimesiniń bir túıi­ninde Berik Ospanov burynǵy fosfor zaýyty janyndaǵy óner­kásip aımaǵynan polıak ká­sipkerlerine bıznes qurylym­da­ryn ashýǵa keńes berdi. Baqtııar TAIJAN. Ońtústik Qazaqstan oblysy.