Memleket basshysynyń Joldaýynda salamatty ómir saltyn nasıhattaý qajettigi atap kórsetilgeni belgili. Osyny basshylyqqa alǵan óńir jurtshylyǵy arasyndaǵy sporttyq jarystar uıym, mekemeler arasynda jalǵasyn taýyp keledi.
Taldyqorǵandaǵy «Jastar» sport saraıynda ótken spartakıadaǵa barlyq aýdandar men qalalardan memlekettik qyzmetkerler qatysty. Komandalar sporttyń 6 túrinen – prezıdenttik kópsaıys, kishi fýtbol, bılıard, voleıbol, ústel tennısi men toǵyzqumalaqtan sheberlik baıqasty. Alǵashqyda oblys jáne Taldyqorǵan qalasy ákimdiginiń komandalary kishi fýtboldan jaqsy oıyn órnegin kórsetti. Bılik basyndaǵylardyń arasynda ótken tartysta basshydan bastap, qatardaǵylary shabýyldy jıiletip, ońtaıly sátterdi paıdalanýǵa kúsh saldy. Aq ter, kók ter bolǵan memlekettik qyzmetkerlerdiń óz komandalary úshin eptilik tanytýǵa talpynǵanyn syrttaı baqylaǵan jankúıerler de qıqýlap jatty.
Másele, qaı komandanyń jeńgeninde emes, sporttyq kıimmen alańǵa shyǵyp, aıaq doppen alysýdyń ózi jastarǵa úlgi bolatynyn aıtqan jón. О́zge de sport túrlerinen jeńiske jetkender eńbegi eskerildi.
Kúmisjan BAIJAN.
Almaty oblysy.