Ana men bala alleıasy ashyldy

Taraz qalasyndaǵy ob­lystyq pe­rınataldyq or­talyqta «Ana men bala» al­leıasy ashylyp, gúlge oran­ǵan alańqaıǵa sábıin ıy­ǵy­na kó­ter­gen baqytty ana­nyń eskertkish-músi­ni or­natyldy. Bul ıgi is oblys ákim­digi janyndaǵy áıel­der isteri jáne otba­sylyq-demogra­fııa­lyq saıa­sat jó­nindegi komıssııanyń já­ne oblys­tyq densaýlyq saqtaý bas­qarmasy­nyń uıym­das­tyrýymen dú­nıege keldi. On eki ul-qyz ósirgen ardaqty ana Gúlsim Saparbekova aq batamen «Ana men bala» eskertkishin ashyp, perınataldyq or­talyqta densaýlyqtaryn kútip jatqan kelinderiniń aıaq-qoldary jeńil bolýyn tiledi. Búginde 25 nemere, 27 shóbere súıip otyrǵan altyn qursaqty ananyń aq tilegine jınalǵandar dán rıza bolysty. El táýelsizdiginiń jıyr­­ma jyl­dyǵyna oraı ob­lysta jalpy 20 «Ana men bala» alleıasy men gúl­zaryn ashý jos­par­la­nyp otyr­ǵan kórinedi. Onyń basy-qasynda ob­lys­tyq isker áıelder qaýym­das­tyǵy­nyń tóraıymy Gúl­dara Nu­rymova úlken uıym­das­ty­rý­shylyqpen kórinip júr. Kósemáli SÁTTIBAIULY. Jambyl oblysy.