2011 jylǵy 4 aqpan № 75 Astana, Úkimet Úıi
Respýblıkalyq mańyzy bar jalpy paıdalanymdaǵy avtomobıl joldarynyń quramyn ózgertý týraly
Qazaqstan Respýblıkasynyń Úkimeti qaýly etedi:
1. Pavlodar oblysynyń sheginde ornalasqan jalpy uzyndyǵy 5,5 km M-38 «RF shekarasy (Ombyǵa) – Maıqapshaǵaı (QHR-ǵa shyǵý), Pavlodar, Semeı qalalary arqyly» avtomobıl jolynyń ýchaskesi respýblıkalyq menshikten Pavlodar oblysynyń kommýnaldyq menshigine berilsin.
2. Qazaqstan Respýblıkasy Kólik jáne kommýnıkasııa mınıstrligi Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıtetimen jáne Pavlodar oblysynyń ákimdigimen birlesip, zańnamada belgilengen tártippen osy qaýlydan týyndaıtyn sharalardy qabyldasyn.
3. «Qazaqstan Respýblıkasynyń avtomobıl joldaryn jikteý erejesi men sharttaryn jáne respýblıkalyq mańyzy bar jalpy paıdalanymdaǵy avtomobıl joldarynyń tizbesin bekitý týraly» Qazaqstan Respýblıkasy Úkimetiniń 2000 jylǵy 5 jeltoqsandaǵy № 1809 qaýlysyna (Qazaqstan Respýblıkasynyń PÚAJ-y, 2000 j., № 54, 596-qujat) mynadaı ózgerister engizilsin:
kórsetilgen qaýlymen bekitilgen Qazaqstan Respýblıkasynyń aýmaǵyndaǵy respýblıkalyq mańyzdaǵy jalpy paıdalanymdaǵy avtomobıl joldarynyń tizbesinde:
M-38 «RF shekarasy (Ombyǵa) – Maıqapshaǵaı (QHR-ǵa shyǵý), Pavlodar, Semeı qalalary arqyly» degen joldaǵy «1099» degen sandar «1100,6» degen sandarmen aýystyrylsyn;
«Jıyny» degen joldaǵy «23494,6» degen sandar «23496,2» degen sandarmen aýystyrylsyn.
4. Osy qaýly alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.