Táýelsizdik toıyna tartýlar

Elimizdiń qaı óńirin alyp qa­rasańyz da, qandaı salada bol­ma­syn ózin­dik bir erekshelikte­rimen by­laıǵy jurtty tamsan­dyryp ja­ta­dy. Árıne, bul rette oqý bilim, mádenıet pen ónerdiń, áde­bıet­tiń ornyn bóle jara aıtýdyń ar­tyq­tyǵy bolmas. Ejelden sóz qadirin túsinip, bilimge bas ıgen halqy­myz keıingi býynǵa óz táji­rı­be­leri men boıyn­daǵy baryn sarqa bólisýden bir sátke de tanǵan emes. Bul oraıda Ulttyq akademııalyq ki­taphana­daǵy shy­ǵys­qazaqstandyq aqyn-jazýshy­lar men óner ıe­leri­niń Astana jas­tarymen ót­kizgen shy­ǵar­ma­shylyq kezdesýi keıingi býyn­ǵa tyń serpin bergendeı. Atal­ǵan bas­qosýdy Shyǵys Qazaq­stan ob­lysy ákimdigi men máde­nıet bas­qarmasy uıymdas­tyrǵan. Kezdesýge esimderi elge tany­mal Qabdesh Jumadilov, Shárbaný Beısenova, Álibek Asqarov, Tur­syn Jurtbaı, Nesipbek Aıtuly, Ulyqbek Esdáýlet, Tynyshtyqbek Ábdikákimov syndy qalamgerler men aqyndar, sonymen qatar Gúl­mıra Sarına, Seken Turysbekov sekildi óner ıeleri qatysyp, jas tolqynmen emen-jarqyn áńgime órbitti. Basqosýdy belgili jýrnalıst Serik Janbolat júrgizip otyrdy. Shyǵarmashylyq kezdesýde «Shy­­ǵys juldyzdary» kitaby­nyń tusaýy kesilip, jınaq joǵa­ryda attary atalǵan meımandarǵa syıǵa tartyldy. Elimizdiń shy­raıly Shyǵys óńiri týma talanttar men daryndarǵa kende emes. Olardyń esimderi el táýelsiz­di­gi­niń 20 jyldyǵyna arnalyp shyq­qan osy kitapqa enip otyr. Bul basylymda Uly Abaı, Shákárim, Muhtar syndy danalarmen qatar, qazirgi qalamgerler de bar. Jı­naqty shyǵarýdy usynyp, jobaǵa jetekshilik etken oblys ákimi Berdibek Saparbaev bolsa, al ony basyp shyǵarǵan elordadaǵy «Folıant» baspasy. Kezdesý sońynda aımaq bas­shysy jas jýrnalısterdiń ara­synda ótken «Topjarǵan» respýb­lıkalyq baıqaýynyń qory­tyn­dysyn jarııalap, jeńimpazdardy marapattady. Osy yntalandyrý sharasyn alǵash bolyp qolǵa alǵan Shyǵys Qazaqstan obly­synyń ákimdigi bul bastamany keleshekte de jal­ǵastyrýǵa nıetti. Oblys ákimi Berdibek Sapar­baevtyń «Nazarbaev Ýnıversıtetinde» elordada bilim alyp júr­gen shyǵysqazaqstandyq stýdenttermen kezdesýi de jastardyń jigerlerin janı tústi. Búginde bul aı­maq kelesheginen úmit kúttirer jastardyń bilimge qushtarlyǵyn arttyryp, yntalandyryp otyrý­dy dástúrge aınaldyrǵan. Sońǵy tórt jylda 864 stýdent oblys ákiminiń grantyna ıe bolsa, onyń 200-i bıylǵy oqý jylyndaǵy qyz-jigitter. Osy ýaqytqa deıin grantty tek medısınalyq jáne pedagogıkalyq mamandyqta oqı­tyn stýdentter alyp kelse, 2010 jyldan beri tehnıkalyq maman­dyqqa da nazar aýdarylǵan. So­ny­men qatar, munan bólek qazaq tilin jetik meńgergen ózge ult ókilderiniń 8 jas órenderine arnaıy grant taǵaıyndalǵan. Kezdesý barysynda Shyǵys Qazaqstan oblysy men «Nazarbaev Ýnıversıteti» AQ arasynda or­taq memorandýmǵa qol qo­ıy­lyp, jıylǵan jurtqa «Nazar­baev Zııatkerlik mektebi» jáne «Shy­ǵys Qazaqstan óńirindegi bilim berý júıesiniń qazirgi jaǵ­da­ıy men damýy» atty kórme ótti. Ábdirahman QYDYRBEK.