Sharaına

QYLMYSTYQ IS QOZǴALÝY YQTIMAL 25 mamyrda Tbılısıdegi grýzın oppozısııasynyń aksııasy kezinde ustalǵandardyń kópshiligi eki aı merzimge jazalandy. Málimetterge qaraǵanda, qarsylyq aksııasyna qatysqan 90-nan astam adam jaýapkershilikke tartylyp otyr. Olardyń birqataryna qatysty qylmystyq is qozǵalýy múmkin. Eldiń ishki ister mınıstri Shota Ýtıashıvılı ustalǵandardyń arasynda oppozısııalyq partııalardyń jetekshileri joq ekendigin aıtady. Mıtıngini grýzın parla­mentiniń burynǵy spıkeri, «Narodnoe sobranıe» qozǵaly­synyń jetekshisi Nıno Býrdjanadze uıymdastyrǵan bolatyn. Talaptary – prezıdent Mıhaıl Saakashvılıdi otstavkaǵa ketirý. BURYNǴY GENERAL QAMAÝǴA ALYNDY Beısenbide Serbııa prezıdenti Borıs Tadıch Serbııa armııasynyń buryn­ǵy qolbasshysy Ratko Mladıchtiń tutqyndalǵanyn málimdedi. Oǵan adam­zatqa qarsy qylmystar jasady degen aıyptar taǵylǵan bolatyn. Qanquıly qylmystardy ol Serbııa armııasy bas shtabynyń bastyǵy bolyp júrgende jasaǵan. Serbııa polısııasynyń keltirgen málimetterine qaraǵanda, Ratko Mladıch 16 jyl boıy Mılorad Komadıch degen atpen jasyrynyp júripti. General Serbııanyń aýmaǵynda ustal­ǵan. Ol 1996 jyly halyqaralyq trıbýnalmen aıyptalǵan. Gaaga áskerı trıbýnaly Bosnııadaǵy horvattar men musyl­mandardyń qýǵyndalyp, jazyqsyz óltirilýine R.Mladıch jaýapty dep esepteıdi. TIKUShAQTARDY ZAŃSYZ JО́NELTPEK BOLǴAN Ispanııa polısııasy Iranǵa zańsyz jolmen jetkizilýi tıis bolǵan toǵyz «Bell-112» áskerı-kólik tikusha­ǵynyń aldyn alǵan. Polısııanyń arnaıy operasııasy barysynda Madrıd pen Barselona qalalaryndaǵy qoıma­larda tekserý sharalary júrgizilgen. Osyǵan baılanys­ty segiz adam ustaldy. Olardyń beseýi ıspandyq kásipkerler, úsheýi Iran azamattary eken. Derek kózderine qaraǵanda, tikushaqtar bólshektengen kúıde qoımalarǵa jasyrylǵan. Tárkilengen áýe kemeleriniń jalpy quny 100 mıllıon eýrodan asatyn kórinedi. Iranǵa atalǵan áskerı tehnıkany eksporttaýǵa BUU qarary boıynsha tyıym salynǵan. MÚRDELERI ANYQTALÝDA Kolýmbııa úkimeti el aýmaǵynda belgisiz sebeptermen jerlengen 10 myńǵa jýyq adamnyń múrdesin taýyp, olar­dyń kim ekendigin anyqtady. Boljam boıynsha, múrdelerdiń basym kópshiligi túrli ishki janjaldar saldarynan qurban bolǵandar bolýy yqtımal. Qazirgi kezde 9969 adamnyń múrdesi anyqtalǵan. Olardyń 8810-y er adam, 1159-y áıel. Anyqtaý úderisteri bes aıǵa sozylǵan. Anyqtaý jumystary qurban bolǵan­dardyń tirkeý organdaryndaǵy saýsaq tańbalary arqyly júzege asyrylypty. Mamandardyń aıtýyna qaraǵanda, jerden qazyp alynǵan taǵy 10 myńdaı múrde ártúrli sebepterge baılanysty anyqtalmaı otyr. «ÚLKEN SEGIZDIKTIŃ» RESEIGE USYNYSY «Úlken segizdik» elderi Máskeýge Lıvııadaǵy jaǵ­daıdy retteýge araaǵaıyndyq tanytý jóninde usynys bildirdi. Munyń aldynda Lıvııa premer-mınıstri Reseıden onda­ǵy jaǵdaıdy retteýge kómektesýdi suraǵan bolatyn. «Úlken segizdiktiń» bul usynysy resmı túrde tirkelmegen kórinedi. Degenmen, Aq úı osy másele týraly Barak Obama men Dmıtrıı Medvedevtiń arasynda áńgime bol­ǵanyn joqqa shyǵarmaıdy. Batys elderi BAQ-tarynyń taratqan aqparattary boıynsha, Lıvııanyń premer-mınıstri Bagdadı Alı ál-Mahmýdı óz elinde azamat soǵysy aıaqtalý jaǵdaıynda ekendigi jóninde birqatar memleket­terdiń basshylaryna hat joldaǵan sııaqty. JARYLYS JASAǴAN TERRORShY EMES, FERMER Qytaıdyń shyǵysyndaǵy Fýchjoý qalasynda qatarynan úsh jarylys bol­dy. Jarylystardy terrorshylar emes, jergilikti fermer jasaǵan. Fer­merdiń osyndaı oqys oqıǵaǵa barýyna, jergilikti sottyń oǵan qatysty qozǵalǵan is prosesterin qaraý bary­syn­a onyń qanaǵat­tan­baýy sebep bolǵan. Ol jarylystardyń birin prokýratýra ǵımaraty ja­nynda turǵan avtokólikti jarý arqyly, ekinshisin okrýg ákimshiliginiń birinshi qabatynda, al úshinshisin qalalyq azyq-túlik ónimderiniń sapasyn qadaǵalaý departamentiniń aldynda júzege asyrypty. Jarylystan eki adam mert bolyp, alty adam jaralanǵan. QYSQA QAIYRYP AITQANDA: AQSh úkimeti Doký Ýmarov týraly aqparat bergenge 5 mıllıon dollar syıaqy taǵaıyndalǵanyn málimdedi. Bul málimdeme Reseı prezıdenti D.Medvedev pen AQSh prezıdenti B.Obamanyń «úlken segizdik» aıasyndaǵy kezdesýinen soń jarııa etildi. О́tken sársenbide AQSh-ta 13 jasar qyzdy zorlaǵany jáne óltirgeni úshin ólim jazasyna kesilgen Donald Edvordqa shyǵa­rylǵan úkim oryndaldy. Ázirbaıjan prezıdenti Ilham Álıev túrli sebeptermen sottalǵan 90 adamǵa raqymshylyq jasady. Olardyń ishinde «qara­­baq kúndeligi» degen maqalasy úshin 2,5 jylǵa bas bostan­dyǵynan aıyrylǵan jýrnalıst E.Fatýllaev ta bar. Soltústik Koreıa bıligi 2010 jylǵy qarashadan beri qamaýda jatqan AQSh azamaty Eddı Chon Ion Sýdy amerıkalyq taraptyń ótinishine baılanysty bostandyqqa shyǵaratyn boldy. Meksıkanyń batysyndaǵy avtokólik joly boıynda bolǵan atys saldarynan 28 adam qaza tapqan. Olardyń barlyǵy bir-birine qarsy turýshy qylmystyq toptardyń músheleri kórinedi. Internet materıaldary negizinde ázirlendi.