Salada júıelilik baıqalady

Senat depýtattary Densaýlyq saqtaý mınıstrliginiń jáne «SQ-Farmasııa» JShS kompanııasynyń basshylyǵymen kezdesip, elimizdegi densaýlyq saqtaý salasyn damytý jáne dárilik zattar men medısınalyq maqsattaǵy buıym­dardyń biryńǵaı dıstrıbıýsııasyn jetildirý máselelerin talqylady.

Pa­latanyń Áleýmettik-má­de­nı damý komıtetiniń tóraǵasy Aqan Bıjanov basty maqsat densaýlyq saq­taý salasyn damy­tý jáne dári-dármek qural-jab­dyqtary men ónim­deriniń bir­yńǵaı dıstrıbıý­sııa­syn jetildirýde qalyptasqan máselelerdi talqylaý ekendigin erek­she atap kórsetti. Táýelsiz­dik­tiń alǵashqy jyldarynan bastap Prezıdent Nursultan Nazarbaev ult den­saýlyǵyn nyǵaıtý jóninde saıasat júrgizip keledi. Densaýlyq saqtaý júıesin kúsheıtýge ba­ǵyt­­talǵan jańa mindetter 2011-2015 jyldarǵa arnalǵan  «Sala­matty Qazaq­stan» memlekettik baǵdarlama­syn­da kórinis tapqan. Ústimizdegi jy­ly densaýlyq saqtaý salasyn qar­jylandyrý IJО́-niń 3,2 paıyzyn qurap, joǵary oqý oryn­darynyń, ınstıtýttar men ǵy­lymı-zertteý ortalyqtarynyń, sa­nıtarlyq-epı­­­­demıologııalyq jáne emdeý-saýyqtyrý mekemele­riniń ma­te­rıal­dyq-tehnıkalyq ba­za­syn ny­­­ǵaıtýǵa jaǵdaı jasap otyr. Sa­lany qarjylandyrý kóle­miniń artýymen, densaýlyq saq­taý kadr­­laryn daıarlaý júıesin qar­jy­landyrý jáne basqarýdyń jańa prınsıpteri, aýrýhanalyq korporatıvtik basqarý prınsıpteri, ın­novasııalyq tehnologııa­lar­dy endirý men ǵylymdy damytý, me­dısınalyq qyzmettiń qaýipsizdigi men sapasyn bas­qarý tetikteri, ınvestısııalyq saıasat­ty jetildirý, densaýlyq saq­taýdyń biryńǵaı ulttyq jú­ıesin endirý el tur­ǵyndary den­saýly­ǵyndaǵy negizgi kórset­kish­terdi jaqsartýǵa múm­kindik berdi. Elimizde ana men bala jáne áleý­mettik mańyzdaǵy aýrýlar sany men ólim azaıyp keledi.

Komıtet tóraǵasy el damýy­nyń jańa kezeńinde memleket saıasatynyń bir baǵyty densaý­lyq saqtaý júıesinde jo­ǵary tehnolo­gııalardy damytý jáne medısı­nalyq qyzmet sapa­syn arttyrý ekendigin basa aıtty. Salany 2020 jylǵa deıin strate­gııalyq damytý turǵy­syn­­da dári­gerlik qyzmet kór­setý sapasyn kóterý, onyń ishinde dárilik zattar men medı­sı­nalyq maqsattaǵy bu­ıym­dardyń bir­yń­ǵaı dıstrıb­ıý­­sııa­syn engizý máseleleriniń ma­ńyzy zor. Jú­ıe elimiz boıynsha dári-dármek­terdiń logıstıkasy men saqtaý tártibin retke keltirip, ımport­taýshylar men dıs­trıbıý­ter­­lerden utymdy baǵa­men dá­rilerdi satyp alýdy jú­zege asy­rýdy, qymbat dári-dár­mek­ter lobbıin boldyrmaı, al­dyńǵy qatarly batystyq stan­dart­tarǵa «dá­ri-dár­mekterdi dıs­trıbıý­sııa­laý men saq­­taýdy, satyp alý jó­nindegi táji­rı­belerge» jaýap beretin memlekettik satyp alý rynogyn ashyq etýdi qamta­masyz­dan­dy­rýdy qa­ras­tyrady. A.Bıjanov depýtattar dá­ri­lik zattardyń bir­yńǵaı dıstrı­bıý­sııasyn engizý jónin­de Den­saýlyq saqtaý mınıstrligi men «SQ-Farmasııa» qabyl­daǵan sharalar densaýlyq saqtaý júıesin da­mytý úshin bıýdjet qarjysyn qan­shalyqty tıimdi paıdalany­latyny týraly bilgisi keletini jaıynda aıtty.

Senator S.Aıaǵanov óz kezeginde ambýlatorlyq dárilik qamtama­syz etýdi engizýdiń qanatqaqty jobasyn iske asyrýǵa erekshe nazar aýdardy. 2011-2015 jyldarǵa arnalǵan «Sala­matty Qazaqstan» memlekettik baǵdarlamany iske asyrý aıa­syndaǵy jobalarda aýyldyq dári­hana júıesin keńeı­tý kózdelip otyr. S.Aıaǵanovtyń pikirinshe, bul jumys dárilerge qol jetkizý deń­geıin arttyryp, aýyl turǵynda­ryna kórsetiletin qyzmet sapasyn jaqsartady.

Talqylaý barysynda Densaý­lyq saqtaý mınıstri S.Qaıyr­bekova, «SQ-Farmasııa» JShS bas dırektory S.Baımuqanov sóz sóı­ledi. Mınıstr óz sózinde aýyldyq eldi mekenderdi dári-dármekpen qam­tamasyz etý tetikterin jetildirý qolǵa alynǵa­nymen bólisti. Son­daı-aq joǵary medısınalyq oqý ornyn bitirgen túlekterdi baıaǵydaı aýyldyq jerlerge joldama arqyly jiberý qolǵa alynatynyn da jetkizdi. Bıyldan bastap medısına­lyq oqý oryn­da­rynda bakalavr men magıstrlik boıynsha oqýdy jal­ǵastyrý jú­zege asyrylatyn bola­dy. Osy oraıda aýyldyq jerlerdegi ýchas­kelik dárigerlerdiń ana men bala densaýlyǵyna jaýapkershiligin arttyrý jáne olar­dyń óli­min boldyrmaý maqsa­tyndaǵy ju­my­syn yntalandyrý úshin qo­symsha qarjy qaras­tyrylyp jat­qanyn tilge tıek etti.

«SQ-Farmasııa» JShS bas dı­rek­tory Syzdyq Baımuqanov Bir­yńǵaı dıstrıbıýter densaý­lyq saqtaý uıymdaryna dárilik zat­tardyń jetkizilýi úderisin qal­pyna keltirdi degendi atap ótti. Ústimizdegi jyldyń 4 aıy ishinde atalǵan kompanııa ótken jyldyń osy kezeńimen salys­tyr­ǵanda taýar tıeý kólemin 3,6 esege art­tyrǵan. Qarjylaı al­ǵanda tıeý 6,4 mıllıardtan (2010 jyly) 23,3 mıllıard teń­gege deıin kóteril­gen. Bas dırek­tordyń málimetine qaraǵanda, kompanııa medısınalyq uıym­dar­men 31,3 mıllıard teńge somasynda shart jasasqany belgili bolyp otyr.  Osy rette Den­saýlyq saqtaý mınıstrligi «SQ-Far­ma­sııa» kom­pa­nııa­symen birlesip, «Sa­la­mat­ty Qazaqstan» memlekettik baǵdarlamasyna sáı­kes tegin dá­rilik qamtamasyz etý júıesin jetildirýge kirisip ketken. Mun­daı tegin dárilerdi sırek aýrýmen aýyratyndar úshin qymbat pre­parattarǵa jáne bar­lyq qal­ǵan preparattarǵa bólý  usyny­lady. Kompanııa je­tek­shi­siniń sózine qa­raǵanda, qymbat sana­latyn ınsýlınder Biryńǵaı dıs­trıbıýter arqyly jarty­jyl­dyq qormen satyp alynady. Keń taralǵan jáne sozylmaly aýrýlarmen aýy­ra­tyn­dar úshin dári­lik quraldar men dárihana­lardy erkin tań­daýǵa múmkindik beriledi. Budan basqa, halyq­aralyq tá­jirıbege sáıkes pa­sıent­terdiń av­tomat­tandyryl­ǵan tirkelimin qurý usy­nylyp otyr. Sóz sońynda Syzdyq Baımuqanov bylaı dedi: «Pasıentter dárilik zattar men me­dısınalyq kómek kórsetý deń­geıine jáne bıýdjetke, medı­sınalyq qyzmet sapa­syna táýel­siz úzdiksiz qamtamasyz etilýi tıis. Naýqasqa medısınalyq kómek kór­setý ýaqytynda júzege asy­rylýy tıis».

Kezdesýdi qorytyndylaǵan komıtet tóraǵasy Aqan Bıjanov bul talqylaý memlekettik satyp alý rynogynyń aıqyn­dy­ǵyna, qazir­gi zamanǵy stan­dart­tardy jáne dári­lerdi sa­typ alý, saqtaý jáne dıstrı­bıý­sııalaý tájirı­besin engizýge yqpal etetinin erekshe atap ótti. Jan-jaqty jáne syndar­ly pikir almasý, sondaı-aq kezdesýge qatysýshy­lar aıt­qan usy­nystar memlekettik dá­rilik saıasatty jetildirip, tutas­taı densaýlyq saq­taý júıesin da­mytýdyń máse­lelerin sheshýge qyzmet etýi tıis.

Asqar TURAPBAIULY.