Qapshaǵaıdyń shyǵysyndaǵy Zarechnyı aýylynda Pavel men Lıýbov Shırokshınder «shıki ókpege» zar bolyp, kóp jyl Jaratqanǵa jalbarynýmen bolǵan edi. Ekeýi de «Knaýf Gıps Qapshaǵaı» zaýytynda eńbek etip, aldaǵy kúnderinen úmit kútse, ol aldamady.
Kógildir kóktemde aı-kúni jetken Lıýbov Alekseevna ómirge árqaısysynyń salmaǵy 2,5 kılo bolatyn eki qyz, bir ul ákelip, shańyraqtary shattyqqa toldy. Aýyl ákimi, zaýyt basshylary erli-zaıyptylarǵa qutty bolsyn aıtyp, nárestelerge qajetti qarjylaı kómekpen qatar jaıalyq, balalar taǵamyn ákelip, qýanyshtaryna ortaqtasty.
Endi otbasynyń turǵyn úı máselesin sheshý jaǵy da qarastyrylýda.
Kúmisjan Baıjan.
Almaty oblysy.