Biz óz otanymyzdy súıemiz

Qazaqstan Respýblıkasy Prezıdentiniń janyndaǵy Jastar saıasaty jónindegi keńestiń  VIII keńeıtilgen otyrysyna qatysýshylardyń el jastaryna úndeýi

Qurmetti dostar, jas qazaqstandyqtar!

Bıylǵy jyly Qazaqstan óz Táýel­sizdiginiń 20 jyldyǵyn atap ótýde. Bul data elimizdiń jańa tarıhyndaǵy máni erekshe, mańyzy zor oqıǵa bolyp tabylady. Táýelsizdik jyldarynda Tuńǵysh Prezıdent – Elbasymyz N.­Á.Na­zar­baev­tyń tarıhı eńbegi men aıqyn kósh­basshylyǵynyń arqasynda elimiz eko­no­mıkalyq jaǵynan qýatty, demo­kra­tııalyq jolmen qarqyndap damyǵan mem­leketke, álemdik qoǵamdastyqtyń bedeldi de qurmetti áriptesine aınaldy. Eýrazııa júreginde boı kótergen jańa elordamyz – Astana qala­sy eli­miz­diń jasampazdyq kelbetin aıshyq­tap, búginde Táýelsizdigimizdiń jarqyn sımvoly bolyp otyr. Qazirgi Qazaqstan – halqynyń ómir súrý deńgeıi joǵary standarttarǵa saı, kemel keleshekke umtylǵan jas memleket. Bizder, Keńes otyrysyna qatysý­shylar, Táýelsizdik jyldarynda memleket tarapynan jastar áleýetin damy­tý úshin barlyq qajetti jaǵdaılar ja­salyp otyrǵanyn atap ótemiz. Solardyń ishinde mynalardy maq­tanyshpen aıtýǵa bolady: Prezıdenttiń bastamasymen «Nazarbaev Ýnıversıteti» quryldy. Búkil el boıynsha Zııatkerlik mektep júıesiniń qurylysy júzege asyrylyp jatyr. Prezıdenttik «Bolashaq» baǵdarlamasynyń arqasyn­da Qazaqstan jastary álemniń aldyńǵy qatarly ýnıversıtetterinde bilim alýda. Qazir elimizdiń áleýmettik-ekono­mı­kalyq reformalaryna jastardyń belsendi qatysýyna baǵyttalǵan birneshe jalpyulttyq jobalar júzege asyrylý ústinde. Olar – «Jasyl el», «Dıplommen – aýylǵa», «Jastar praktıkasy», «Aýyl jastary», «Aýyldyń órkendeýi – Qazaqstannyń órkendeýi» aksııasy jáne ózge de baǵdarlamalar. Memleket buqaralyq sportty damy­tý men salamatty ómir saltyn qalyp­tastyrýǵa úlken kóńil bólýde. О́ńir­lerdiń bárinde búgingi talapqa sáıkes sporttyq keshender salynýda, olar elimizdiń atyn shyǵaryp, már­te­besin asyratyn bolashaq chempıon­dar­dy tárbıeleıtin negiz bolatyny sózsiz. Eń bastysy – biz egemen eldiń erkin azamattarymyz. Biz táýelsiz Qazaq­stan­da óstik, erjettik. Sondyqtan, biz óz Otanymyzdy súıemiz, onyń budan ári de kórkeıe túsýi jolynda kúsh-jige­rimizdi jumsaýǵa daıynbyz. «Elińdi súıseń, erlik isteısiń» deıdi halyq danalyǵy. О́zin patrıot sanaıtyn árbir jas azamat Qazaqstandy jan-júregimen súıetinine senemiz. Biz týysqandyq, dostyq rýhynda tár­bıe aldyq, erteńimizge degen senimmen óstik. Bizdiń birligimiz, ásirese, bıylǵy jylǵy kezekten tys prezıdenttik saılaýda erekshe kózge tústi. Tuńǵysh Prezıdentimiz – Elbasy N.Á.Nazarbaevtyń kandıdatýrasyna el jastarynyń biraýyzdan daýys berýi birligimizdiń beriktigin jalpaq álemge jarııa etti. Bizder, Keńes otyrysyna qatysý­shy­lar, sizderdi, barsha zamandas­ta­ry­myzdy Qazaqstandy qarqyndy damyǵan irgeli memleketke aınaldyrý isine úles qosýǵa úndeımiz. Bizdiń árqaısymyz týǵan elimizdiń bolashaǵy úshin jaýapty ekenimizdi sezinemiz. Osy maqsatta biz eń aldymen sapaly bilim alyp, óz isiniń kásipqoı mamany bolý, Otanymyzdyń órkendeýi jolynda eńbek etý paryzymyz ekenin jaqsy túsinemiz. Biz elimizdiń jastaryn Qazaqstan Respýblıkasynyń kórkeıýi men qarqyn­dy damýyn qamtamasyz etýge baǵyt­talǵan Qazaqstan Respýblıkasynyń Tuńǵysh Prezıdenti – Elbasy N.Á.Na­zar­baevtyń saıasaty tóńireginde odan ári toptasýǵa shaqyramyz. Qazaqstan jastary aldaǵy ýaqytta da ózderiniń bilimderi men jasampaz eńbekterin, kúsh-jigerin HHI ǵasyrda jańa Qazaqstandy qaryshtap damy­týǵa, ony básekege qabiletti ári bedeldi memleket retinde qalyptastyrýǵa belsendi túrde jumsaı beretindigine kámil senemiz. Astana qalasy, 2011 jylǵy 21 maýsym.