Jýyrda Semeıde múmkindigi shekteýli jandarǵa arnalǵan áleýmettik turmys úıi ashyldy. Onda eki shashtaraz ben eki tiginshi arbaǵa tańylǵan, ıakı ózdiginen júre almaıtyn múgedek jandarǵa qyzmet kórsetýde.
Qazirgi tańda Semeıdegi múmkindigi shekteýli jandardyń jalpy sany 13 myńnyń ústinde. Burnaǵy jyly munda olarǵa arnalǵan tegin taksı qyzmeti uıymdastyrylǵan edi. Al sońǵy qaıyrymdylyq jobasyn Almatydaǵy «Bota» qoǵamdyq qory qarjylandyryp otyrǵan kórinedi. Jýyrda atalǵan qor alystaǵy Abyraly óńirindegi Tańat aýylynda balabaqshanyń ashylýyna dáneker bolǵan edi.
Múmkindigi shekteýli jandar joǵarydaǵy qaıyrymdylyq sharasyna aq alǵystaryn bildire kelip, jańadan ashylǵan bul áleýmettik turmys úıiniń aýmaǵy jaǵynan úlken qalaǵa azdyq etetindigin de jasyrmady. Sáti kelgende bul tilek te óz sheshimin tabady dep senemiz.
Dáýlet SEISENULY.
Semeı.