Jaqsy dástúr jalǵastyǵy

Keshe, buqaralyq aqparat quraldary qyzmet­kerleriniń kásibı merekesi – Baspasóz, teledıdar jáne radıo kúni qarsańynda «Nur Otan» halyq­tyq-demokratııalyq partııasynyń jýrnalıster arasynda jarııalanǵan «Nur Suńqar» respýb­lı­kalyq baıqaýynyń qorytyndylary jarııalandy. Jeńimpazdardy marapattaý saltanaty Astananyń Kongress-Holl saraıynda ót­ti. Dástúrge aınala bastaǵan bul sharaǵa Qa­zaqstannyń barlyq aımaqtarynyń jýr­nalısteri, Parlament depýtattary, Qazaqstan Jýrnalıster odaǵy men Bas redaktorlar klýby ókilderi qatysty. Jeńimpazdar «Nur Otan» partııasy­nyń, depýtattar men depýtattyq fraksııalar qyz­meti jaıly jarııalanǵan úzdik sarapt­amalyq materıaldar, sonymen qatar, partııanyń aı­maqtardaǵy qyzmetin úzdik jarııalaǵandar, partııanyń bastamalaryna aıryqsha kóz­qa­ras bildirgender, úzdik foto jáne beıne ma­terıaldar arasynan tańdalyp, anyqtaldy. Bıylǵy «Nur Suńqar» baıqaýynyń bas­ty ereksheligi: onyń Qazaqstan Res­pýb­lı­ka­sy Táýelsizdiginiń 20 jyldyq mereıtoıy­na oraılastyrylǵany boldy. Mereıtoı jýr­na­lıs­ter úshin óte qyzyqty taqyrypqa aınaldy. 200-den astam respýblıkalyq jáne aımaqtyq BAQ ókilderi baıqaýǵa óz ju­mys­taryn usynǵan bolatyn. Sonymen qatar, saıyskerlerdiń ju­mys­tarynda «Nur Otan» partııasy qyz­metiniń túrli qyrlary kórinis tapty: par­tııanyń barlyq mańyzdy memlekettik baǵ­darlamalar men josparlardy baqylaý jumysyn kú­sheıtýi, sybaılas jemqor­lyq­pen kúres, qa­zaq­standyqtardyń áleý­mettik máselelerin sheshýi, partııalyq ba­qylaý beketteriniń, qoǵamdyq qabyl­daý­lardyń, bastaýysh partııa uıymdarynyń jumysy jáne nurotandyq­tardyń basty nazaryndaǵy taǵy basqa kóp­tegen máseleler. Baıqaý jeńimpazdaryn quttyqtaı kele, «Nur Otan» partııasy Tóraǵasynyń birinshi orynbasary Nurlan Nyǵmatýlın: «Bıylǵy «Nur Suńqar» baıqaýy elimizdiń basty merekesi – Qazaqstan Respýblıkasy Táýelsiz­digi­niń 20 jyldyǵyna arnalyp otyr. Táýel­siz­dik – barsha qazaqstandyqtar úshin mańyzy zor tarıhı meıram. 20 jylda bizdiń elimiz álemdik joǵary bedeli bar qýatty memleketke aınaldy. Bul – Elbasymyz, «Nur Otan» partııasynyń Tóraǵasy Nursultan Nazar­baev­tyń úlken eńbeginiń, halqymyzdyń ál-aýqatyn arttyrýǵa, elimizdi damytýǵa baǵyt­talǵan saıasatynyń nátıjesi ekeni sózsiz. Osynyń barlyǵy Qazaqstan jýrnalıs­tıka­synyń damýyna da úlken múmkindik berdi», – dep atap ótti. On segiz nomınasııa boıynsha jeńim­paz­dar atanǵan qalamgerlerge belgili qoǵam qaıratkerleri, óner adamdary «Nur Suńqar» baıqaýynyń jeńimpazyna arnalǵan belgi men baǵaly syılyqtar tabys etti. «Bizdiń depýtat» nomınasııasy boıynsha áriptesimiz Jaqsybaı Samrat pen «Kazahstanskaıa pravda» gazetiniń tilshisi Olga Kazanseva jeńim­paz dep tanylyp, báıge aldy. Basqa nomınasııalar boıynsha «Habar» agenttiginiń tilshisi Tileýqabyl Myńjasar, «Ashyq stýdııa» baǵdarlamasynyń júrgizýshisi Nurlan Erimbetov, Zona.kz jáne Minber.kz ınternet-ga­zetiniń tilshileri Jumabıke Junysova men Esengúl Kápqyzy, «Lıter» gazetiniń tilshisi Vladımır Katkov, «Habar» agenttiginiń Pavlodar oblysyndaǵy tilshisi Salaýat Igilikov, «Habar» agenttiginiń astanalyq bólimi­niń tilshisi Natalıa Ilıýhına, «Aıqyn» gazetiniń tilshisi Aıhan Shárip, «Vremıa» gazetinen Gennadıı Bendıskıı, telejúrgizýshi Dına Tólepbergenova, «Indýstrıalnaıa Karaganda» basylymynyń tilshisi Oksana Mıagkıh, «Aqtaý aqparat» gazetiniń tilshisi Kám­shat Ábdiraıym, «STV» arnasy bas redak­torynyń orynbasary Vıtalıı Popov, «Qa­zaqstan» ulttyq arnasynyń tilshisi Aıbek Qobdabaı, Prezıdent baspasóz qyzmetiniń operatory Baqtybaı Shahanov, «Nur-Medıa» JShS-niń fototilshisi Sovetbek Maǵ­zumov aldy. Barlyq baıqaý jeńimpaz­dary «Nur Suńqar» músini, arnaıy dıplom jáne aqshalaı syılyqqa ıe boldy. О́tken jyldaǵydaı, bıylǵy baıqaýda da arnaıy júlde tapsyryldy. Bul sát sal­tanatty rásimniń sharyqtaý shegine aı­nal­dy. Nurlan Nyǵmatýlın osy syılyq bıyl Qazaqstan Respýblıkasy Táýelsiz­diginiń 20 jyldyǵyna arnalǵa­nyn jarııa­lady. Onyń ıegeri belgili jýr­nalıst, «Habar» agentti­giniń tilshisi Nur­lan Oqa­uly atandy. Ol arnaıy músin­she men dıp­lomǵa qosa, páter kiltin ıelendi. Álısultan QULANBAI. Sýretti túsirgen Orynbaı BALMURAT.