Qoǵamnan qoldaý taýyp otyrǵan qadam

Qazaqstan Respýblıkasy Pre­zı­denti­niń janyndaǵy Qazaq­stan Stra­tegııalyq zertteý ıns­tı­tý­tyn­d­a Islam Konfe­ren­sııa­sy Uıy­­myn­daǵy Qazaqstan bas­shy­lyǵy úshin kún tártibi» ta­qy­rybyndaǵy áleýmettik zert­teý nátıjeleriniń jáne osy ınstıtýt qyzmetkerleri da­ıyn­daǵan «Qazaqstan jáne Islam Konferensııasy Uıymy» atty ujym­dyq mono­grafııalyq eń­bek­tiń tanystyrylymy ótti. Islam Konferensııasy Uıy­my – musylman elderi­niń iri ári yqpaldy halyqaralyq uıymy bolyp ta­bylady. Uıym ıslam qoǵamynyń aýyzbirshiligin art­ty­rýdy, saıası, ekonomıkalyq, áleý­mettik máselelerdi birlese sheshý men mádenıet jáne ǵylym salalaryndaǵy ty­ǵyz qarym-qatynasty jandandyryp, uıym­ǵa múshe memleketter men basqa da elderdiń arasyndaǵy ynty­maq­tastyq pen ózara túsinistikti nyǵaıtýdy kózdeıdi. Qazaq­stan­nyń Islam Konferensııasy Uıy­myna tóraǵalyq etýi 2010 jylǵy EQYU tóraǵalyǵy kezindegi mindetin tabysty támamdaǵannan keıingi elimizdiń syrtqy saıası bel­sendiliginiń tabıǵı jalǵasy ispetti. «Qazaqstan jáne Islam Konferensııasy Uıymy» atty ujymdyq kitap tórt bólimnen turady. Birinshi bólim Islam áleminiń birigýi jáne uıymnyń qurylý tarıhy, búgingi álemdegi IKU-nyń róli, uıymnyń qury­lymy, qosalqy jáne arnaýly mekemeler, uıym isindegi negiz qa­lyptas­tyrýshy qujattar, maqsat pen murat nysany, IKU jáne halyqaralyq uıymdar deıtin taqyryptardy qamtıdy. Ekinshi bólim «Qazaqstan jáne Shyǵys musylman elderi» dep atalady jáne musylman mem­leketteriniń ómir tarıhyn jan-jaqty baıandaıdy. Úshinshi bólim «IKU jáne TMD elderi» dep ata­lady. Munda uıym­nyń buryn­ǵy keńestik júıe­den bosap shyq­qan memlekettermen baılanysy qarasty­rylǵan. «Qazaqstan IKU júıesinde» dep atalatyn tórtin­shi bólimde elimizdiń IKU tóraǵa­lyǵynan keıingi salmaǵy men alda kezdesetin máseleler, ıslam qar­jy salasy jáne onyń aýqy­my men damý keleshegi degen sekildi mańyz­dy másele­lerge jaýap bolarlyq taqyryptar qozǵalǵan. Sondaı-aq kitaptyń tanys­ty­ry­lýymen qatar, Qazaq­stan Res­pýblıkasy Prezıdentiniń janyn­daǵy Qazaqstan Strategııalyq zert­teý ınstıtýty mamandary júrgizgen áleý­mettik zertteýdiń nátıjesi de kópshilik nazaryna usy­nyl­dy. «Islam Konferen­sııa­sy Uıy­myn­daǵy Qazaqstan basshylyǵy úshin kún tártibi» deıtin taqyrypta júrgizil­gen áleýmettik zertteý el azamat­tarynyń deni bul uıym­daǵy bizdiń tóraǵalyq qyzmetimizden kóp­tegen jaqsylyq­tar kútetin­di­gin kór­setip otyr. Máselen, dinı-saıası baǵyt­taǵy máseleler, eko­nomıkalyq baılanys múmkinshi­li­giniń jandanýy sekildi másele­lerge qazaqstandyqtar shynaıy qyzyǵý­shylyǵynyń basym ekendikterin tanytqan. Osy zertteýde qoǵamdyq pikirmen qatar, sarap­shylardyń da paıymy esepke alynyp otyr. Is-sharaǵa Qazaqstannyń memlekettik jáne táýelsiz taldaý qury­lymdarynyń jetekshi maman­dary, BAQ ókilderi, sonymen qatar, Almaty qalasyndaǵy birqatar jetekshi joǵary oqý oryndarynyń ókilderi qatysty. Bul tanystyrylym Astana qalasynda 2011 jyldyń 28-30 maý­symy aralyǵynda ótetin Islam Konferen­sııasy Uıymy Syrt­qy ister mınıstrleri keńe­si­niń 38-sessııasynda bolatyn Qazaqstannyń IKU tóraǵasy qyzmetin bastaý rásimi qarsa­ńynda ótkizilip otyr. Qanat ESKENDIR. Almaty.