«Táýelsizdikke 20 jyl: Qazaqstan joly» degen taqyryppen Semeı memlekettik pedagogıka ınstıtýtynda dóńgelek ústel ótkizildi. AQSh, Ońtústik Koreıa, Reseı jáne Qazaqstan ǵalymdary qatysqan alqaly jıynda egemen elimizdiń 20 jyl ishindegi áleýmettik-ekonomıkalyq salalardaǵy jetistikterimen birge, bolashaqtaǵy damý baǵyttary talqylandy.
Dóńgelek ústelge qatysýshylar atalǵan ınstıtýttyń rektory, tarıh ǵylymdarynyń doktory, professor M.Eskendirovtiń, Qazaqstan pedagogıka ǵylymdary akademııasynyń prezıdenti, pedagogıka ǵylymdarynyń doktory, professor A.Qusaıynovtyń, Tom memlekettik pedagogıkalyq ýnıversıtetiniń professory A.Sıtnıkovanyń, Altaı memlekettik pedagogıkalyq akademııasynyń professory P.Sheptenkonyń, Djıongsang (Ońtústik Koreıa) ulttyq ýnıversıtetiniń vıse-prezıdenti, professor Te Djongtyń, Pıttsbýrg (AQSh) memlekettik ýnıversıtetiniń Ortalyq Azııadaǵy zertteýler ortalyǵynyń professory Chýng Lıdiń jáne taǵy basqa bilikti ǵalymdardyń táýelsiz Qazaqstannyń 20 jyl ishindegi júrip ótken joly týraly syndarly sózderin zeıin qoıa tyńdady.
Qazaqstandaǵy adam kapıtalynyń sapasy týraly sóz qozǵalǵanda Koreıadan kelgen qonaq Djongsang ulttyq ýnıversıtetinde ekijaqty kelisim nátıjesinde oqyp jatqan Semeı pedagogıkalyq ınstıtýtynyń stýdentteri týraly jyly lebiz bildire ketýdi umytpady.
Dóńgelek ústelge qatysýshylar elimizdiń ótken 20 jyl ishindegi jetistikterin biraýyzdan Ult Kóshbasshysy Nursultan Nazarbaevtyń atymen tyǵyz baılanystyrdy.
Dáýlet SEISENULY.
Semeı.